| Гравиметриялық талдау Анықталатын сынаманың құрамдас бөлігінің массасын дәл өлшеуге негізделген сандық талдауды гравиметриялық талдау әдісі деп атайды.
Гравиметрия әдісі өте қарапайым да нақты болғандықтан, ғарыштық объектілерге, тағамдық өнімдерге, қоршаған ортада болатын улы заттарды анықтауда, топырақтың, тыңайтқыштың және басқа заттардың құрамына талдау жасауда қолданылады. Гравиметрия әдісі нақты нәтиже береді, бірақ кемшілігі ұзақ орындалады.
Гравиметриялық талдау әдісінің жіктелуі төмендегідей;
1.Бөлу (анықталатын компонентті зерттелетін заттан бос күйінде бөліп алып, кейін массасын дәл өлшейді).
2. Айдау (анықталатын компонентті ұшқыш қосылыс түрінде бөліп алуға негізделген)
3. Тұндыру( анықталатын компонентті аз еритін қосылысқа өткізеді, яғни белгілі бір реактивпен тұнбаға түсіреді. Бөлінген тұнбаны сүзіп жуады, кепті-реді, қыздырып, өлшейді.)
Зерттелінетін заттың (элементті) таразыда өлшеніп алынған түрін - оның гравиметриялық түрі деп атайды.
Достарыңызбен бөлісу: | 
