Пленарлық баяндамалар
жүктеу/скачать 9,68 Mb. Pdf көрінісі
|
Халықаралық пед. оқу. жинагы 10-11.04 2024 (1)
- Бұл бет үшін навигация:
- Кілт сөздер
| :
1. Жұмажанова Т.Қ. Әдебиетті оқыту әдістемесі. А., Білім, 2019 ж. 2. Бітібаева Қ. Әдебиетті оқыту әдістемесі. А., Рауан, 2015 ж. 3. Калиев У.К. Қазақ тілі мен әдебиеті пәнін оқытудағы диалогтық оқытудың жаңалығы. А., Білім - 2017 ж. ТУҒАН ӨЛКЕ ТАРИХЫН ОҚЫТУ ЕРЕКШЕЛІГІ Сугиров Б . А . Көктал орта мектебі, Жамбыл облысы, Байзақ ауд. Аннотация Туған өлке тарихын оқыту білім беру процесінде ерекше орын алады, өйткені ол оқушылардың өз аймағының тарихы мен мәдениетін терең түсінуіне ықпал етеді. Бұл тәсіл ел тарихы туралы білімді байытып қана қоймай, бала бойына патриоттық және өз халқына, оның мәдени мұрасына үлкен құрметпен қарауға тәрбиелейді. Туған өлке тарихын оқытудың ерекшелігі - мұражайлар, мұрағаттар, ескерткіштер және ауызша әңгімелер сияқты жергілікті тарихи ресурстарды пайдалану, бұл оқуды көрнекі және интерактивті етеді. Экскурсияларды, жобалық іс - шараларды ұйымдастыру және өлкетанушылар мен тарихшылармен кездесулер ұйымдастыру оқушыларға өз аймағында болып жатқан тарихи оқиғалар мен процестерді жақсы түсінуге мүмкіндік береді.Сол себепті аталмыш мақалада жоғары да сөз еткен мәселелерді жан - жақты талдаймыз. Кілт сөздер: өлкетану, экскурсиялық қызмет, жобалық қызмет, мәдени мұра, тарихи ресурстар. Халық мұрасы - ұрпақтан ұрпаққа, атадан балаға көз қарашығындай сақталып келе жатқан баға жетпес асыл қазына. Ескі замандардан бастап, күні бүгінге дейін жеткен көне, фольклорлық мұралардың астарында халық тағдырының іздері жатыр. Соның көпшілігінде халықтың қоныс еткен мекені, тұрмыстық белгілері, салты мен әдет - ғұрып көріністері бар. Осы мекендік тұтастық шапқыншылық әсерінен бірде кеңейіп, бірде кішірейіп отырғанымен бабаларымыз өзінің тарихын жадынан шығарып, тамырынан қол үзбеген. Әдетте, ұлт тұтастығының кілті - туған тарихын, тілін, дінін, ділін, әдет - ғұрпын, салт - дәстүрін білуде, оны қастерлеу мен бағалауда деп саналса, қазақ халқының өмір жолында бұл мәселелер бір мезет те санадан шыққан емес. |