Практикалық сабақ 9. Тақырыбы: Оқушылардың денсаулық пен салауатты өмір салтына құндылық қатынасын қалыптастырудағы сынып жетекшісінің іс-әрекеті. 9.1. « Салауатты өмір салты», «құндылық» ұғымдары. 9.2. Салауатты өмір салты мәдениетін қалыптастырудың жолдары. 9.3.Оқушының салауатты өмір сүру стилінің негізгі компоненттері. 9.4. Демалыс және еңбек күн тәртібін ұйымдастыру әдістемесі.
Адамдар мен қоғамның салауаттылығы – бүкіл өркениетті әлем үшін әлеуметтік сипатқа ие болып отыр. Бүгінгі адам салауатты өмір мен денсаулық мәдениетін игермей тұрып, өзін білімді адам деп санай алмайды. Себебі әрқайсымыздың денсаулығымыз бұл жеке байлық қана емес, ол сонымен қатар еліміздің дамыған елу елдің қатарына қосылуы үшін де қажетті шарт. Яғни адамдардың денсаулығы да сол елдің өркениеттік деңгейін танытатын маңызды факторлардың бірі. Ал денсаулықтың негізгі шарты- мәдени орта, салауатты өмір салты.
