1. Жалпы ережелер
1. Қорқыт Ата атындағы Қызылорда мемлекеттік университетінің білім алушыларын жатақханаға орналастыру және жатақхананың ішкі тәртібін қамтамасыз ету, жатақханадан шығару туралы ереже (бұдан әрі - ереже) Қазақстан Республикасының 2007 жылғы 27 шілдедегі «Білім туралы» Заңының 47-бабының 9-тармағын және Қазақстан Республикасы Білім және ғылым министрінің 2015 жылғы 10 сәуірдегі №189 бұйрығымен бекітілген «Жоғары оқу орындарындағы білім алушыларға жатақхана беру» мемлекеттік көрсетілетін қызмет стандартын негізге ала отырып әзірленген.
2. Бұл ереже университеттің білім алушыларын (докторанттарын, магистранттарын, студенттерін) өтініштеріне сәйкес жатақханаға орналастыру және жатақханадан шығару тәртібін белгілейді және тұрғындардың жатақхананың ішкі тәртібін сақтауын қамтамасыз етеді.
3. Ережеде көрсетілген талаптарды жатақхана әкімшілігі (білім алушыларға қызмет көрсетуші университет қызметкерлері) мен білім алушылар орындауға міндетті.
4. Жатақхана әкімшілігіне (білім алушыларға қызмет көрсетуші университет қызметкерлеріне) осы салаға жауапты проректор, факультет деканы, декан орынбасары, кафедра меңгерушісі, профессор-оқытушылар, әкімшілік-шаруашылық бөлімінің бастығы мен қызметкерлері, комендант жатады.
Достарыңызбен бөлісу: |
