4.4. Диплом алды практикасы Диплом алды практика дипломдық жұмысты (жобаны) орындайтын білім алушылар үшін ұйымдастырылады.
Диплом алды практиканың мақсаты дипломдық жұмысты (жобаны)жазудың аяқталуы болып табылады.
Диплом алды практиканың негізгі міндеттері:
дипломдық жұмыстың (жобаның) тақырыбы бойынша практикалық материалдарды жинақтау, өндеу және жалпылау;
дипломдық зерттеудің тақырыбы бойынша статистикалық мәліметтері мен практикалық материалдарды талдау;
дипломдық жұмыстың (жобаның) немесеесептің тақырыбы бойынша қорытындыны, заңдылықтарды, кепілдемелер мен ұсыныстарды тұжырымдау;
дипломдық жұмысты немесе есепті белгіленген талаптарға сәйкес рәсімдеу болып табылады.
Диплом алды практика жеке оқу жоспарына сәйкес дипломдық жұмысты (жобаны) немесе есепті орындалатын барлық мамандықтардың түлектері үшін бітіруші курста өткізіледі.
Диплом алды практика бойынша басшылықты әдеттегідей дипломдық жұмыстың (жобаның) ғылыми жетекшісі жүзеге асырады.
Диплом алды практиканың мазмұны дипломдық жұмыстың (жобаның) тақырыбымен айқындалады.
Диплом алды практиканың ұзақтылығы жоғары білім берудің мемлекеттік жалпыға міндетті стандартына сәйкес дипломдық жұмысты жазуға берілген кредиттер санымен айқындалады.
Диплом алды практиканың қорытындылары арнайы кафедра ұйымдастыратын дипломдық жұмысты алдын ала қорғауда қорытындыланады.
Дипломдық жұмысты жобасын алдын ала қорғау кафедра отырысында өткізіледі және хаттамамен ресімделеді.
