Ойын терапиясында көптеген жаттығулар бар. Олар мынандай түрлерге бөлінеді

◎ бейдирективті терапия;

◎ директивті терапия;

◎ қуыршақтармен және басқа ойыншықтармен ойнау;

◎ эмоционалдық реңі бар ойындар;

◎ эмоционалдық реңі бар суреттер;

◎ эмоционалдық тұрғыда жеткізу үшін салынатын сурет (кескіндеме);

◎ метафоралар мен тарихтар;

◎ рөлдік ойындар;

◎ шығармашылық ойындары;

Ойын терапиясының ең маңызды принципі- баланы басқару емес, оны түсіну.

Ойын терапиясының бірден бір мақсаты бала өзінің іс-әрекеттеріне жауап беруге, өзінің «Менін» сыртынан тани алуға, обьективті түрде іс-әрекеттерін мен қажеттіліктеріне баға беру. Егер де, сіз өз балаңыздан күнделікті жағдайдан тыс адекватты емес қылықтарды, яғни өзін жеке тұлға ретінде мойындамау, достарымен қатыгездік қарым-қатынасты байқасаңыз, бұған назар аударуыңыз қажет.Бұндай балаларға міндетті түрде ойын терапиясы қажет. Себебі, ойын арқылы бала ішінде жиналған ашу-ыза, кек, агрессияны, қысымды сыртқа шығарады.

Қызықты дәлел: ойын терапиясынан кейін балалар өз алдында «ақылды» болып көрінеді, дамуында өзгеріс байқалады, эмоциональдық қысым жойылып, ашықтық, өзінің қабілеттері көрінеді.Терапиялық тәсілдердің ішінде көбірек қолданылатын «Отбасылық ойын». Психолог бұндай ойындарда отбасылардың арасында «жүргізуші» болып есептелінеді. Жұптық ойын сурет салу, жапсыру арқылы орындалады. Бұндай терапия ата-анамен баланың арасын жақындастырады, түсіністікпен сенімділік қалыптасады.