Программа по специальности «5В020200 международные отношения»
жүктеу/скачать 1,95 Mb. Pdf көрінісі
|
Международные отношения bak
| ПӘННІҢ МАЗМҰНЫ
Кіріспе «Халықаралық келіссөздер» ұғымы дипломатияда нық бекіген ұғым, өйткені келіссөздер дипломатиялық қызметтің тұғыры. Халықаралық келіссөздер тарихы дипломатия тарихы екендігі, ресми дипломатиялық қызметтің басқа нұсқалары мен түрлері келіссөздерге қатысты бағынышты орында болатындығы сараланады. Келіссөздерді мемлекетаралық қарым-қатынастардағы қайшылықты жағдайларда саяси мәмілеге қол жеткізудің шеберлігі мен ғылымы ретінде де қарастыруға болады. Сонымен бірге халықаралық келіссөздер әртүрлі елдер өкілдерінің арасындағы пікір алмасу мақсатындағы, өзара мүдделі мәселелерді шешудегі, алауыздықты реттеудегі, әртүрлі саладағы ынтымақтастықты дамытудағы, халықаралық келісімдерді дайындау және жасасу барысындағы негізгі байланыстардың бірі екендігі дәйектеледі. Пән мақсаты : халықаралық келіссөздер жүргізудің әдіс-тәсілдеріне үйрету, соның негізінде студенттер мен магистранттарға дипломатиялық келіссөздердегі тәжірибелік шеберлікті меңгеруге көмектесу; Міндеттері: Қазақстан Республикасының сыртқы саясаты мен дипломатиясының қалыптасуы мен негізгі міндеттерін айқындау; - дипломатия және халықаралық келіссөздер ұғымымен және оның ерекшеліктерімен таныстыру; - халықаралық келіссөздер үрдісінің тағылымдық астарына студенттердің назарын аудару; - келіссөздердің түрлері мен қызметін жан-жақты қарастыру; - келіссөздерді ұйымдастырудың әдіс-тәсілдерін сараптау; - халықаралық келіссөздер үрдісінің құрылымын талқылау; - келіссөздер жүргізудің негізгі стратегиялары және әдістерімен таныстыру; - келіссөздердегі бітістірушілік мәселесін жан-жақты қарастыру; - қақтығыстарды реттеудегі және алдын алудағы келіссөз мәдениетінің қалыптасуымен таныстыру; - келіссөздер үрдісіне қатысты Келіссөздер жүргізу ережесімен таныстыру; - іскерлік кездесудің этикетімен таныстыру; - икемділік қабілетін жетілдіру, келіссөздердің өзіндік мәнері мен әдісін табуға ұмтылдыру, өздік жүйені дербес түрде жетілдіруді ойластыруға бейімдеу; - халықаралық келіссөздер нәтижесінде дайындалатын дипломатиялық құжаттардың мазмұны мен нысанына қарай, құжаттардың тілдік нұсқаларын пайдалануға байланысты құжат дайындауға қатысты студенттерде шеберлік пен ептілікті қалыптастыру. Қазақстанның жүргізіп отырған дипломатиялық бағыты мен бағдарын келіссөздер арқылы жан-жақты жеткізуге дағдыландыру. |