Оқушы топтарына ел арасында кеңінен таныс әндердің бір шумағы мен қайырмасы жазылған карточкалар таратылып беріледі. Оқушылардың әр тобы тез арада дайындалып, кезекпен карточкаларда келтірілген әндерді бірлесе орындауы керек.
Оқушыларға Шәмші Қалдаяқов, Әсет Бейсеуов, Ескендір Хасанғалиев, Нұрғиса Тілендиев секілді танымал композиторлардың әндерін ұсынған орынды («Армандастар», «Атамекен», «Өз елім» т.б.). /Бұл жаттығу оқушыларға психологиялық жағымды көтеріңкі көңіл-күй сыйлайды/.
