| 31 жаттығу
Топ мүшелері екі шағын топқа бөлінеді.
Нұсқаулық: «Әрбір шағын топ 7 минут уақыт аралығында қандайда бір сезімді немесе эмоцияны «эмоциялық күйді) таңдап, оны қалай бейнелейтіндіктерін ойлап табуы керек. Бұл мүсіндік бейнелеу немесе вербальды емес әрекет болуы мүмкін. Бейнелеуге шағын топтың барлық мүшелері қатысуы қажет. Бірінші шағын топ өзінің дайындағаныны көрсеткен кезде, екінші шағын топ мұқият зер салып қарап, қандай сезім немесе күй бейнеленгенін түсінуге тырысады. Одан кейін шағын топтар орындарын ауыстырады».
Шағын топтар екі бөлек бөлмеде дайындалады. Дайындық аяқталғаннан кейін, жаттықтырушы екі топтың біріне өздері таңдаған сезімді немесе күйді атын атамай бейнелеуін ұсынады. Екінші шағын топ мұқият қарайды. Одан кейін оларға талқылау үшін бір минут уақыт беріледі де, одан кейін біреуі топтың ойын білдіреді. Сонан соң, сезім немесе күйді бейнелеген топ дұрыс жауабын айтады.
Орын алған қателіктер бір жағынан, «түсінуші» топтың мұқият бақыламағандығының немесе сезім немесе күйді белгілеу үшін қажетті тура сөзді таба алмауының нәтижесінен, екінші жағынан, «бейнелеуші» топтың сезімді таңдау барысында немесе оны бейнелеу кезінде ортақ келісімге келе алмаудың салдарынан болуы мүмкін, мүмкін қатысушыларға бейнелеуші құралдар жетіспеді. Бұның барлығы жаттығу аяқталғаннан кейін талқылау нысаны болмақ.
Бейнеленген эмоционалдық сезімдердің немесе күйлердің дұрыс ұқсастырылған болса, жаттықтырушы топқа: «Сіздер қандай сезімдер мен күйлерді қандай белгілері бойынша анықтадыңыздар?» деген сұрақ қоя алады. Бұл сұрақтың жауабы басқа адамдардың жағдайын түсіну үшін белгілі маңызы бар бет қимылының, пантомимиканың, дене қимылының нақты көрінісін анықтап, атап шығуға мүмкіндік береді.
Достарыңызбен бөлісу: |
