Курстың мазмұнын жүзеге асырудағы негізгі міндеттер: 1. Табиғи және антропогендік нысандарды, құбылыстар мен процестерді қамтитын
дүниежүзінің географиялық келбетін ашу, айналаңдағы қоршаған ортаның аумақтық
өзгешелігін, олардың объективтік сипаты мен адам өмірі үшін маңызы туралы түсінік
беру.
2. Оқушыларда табиғат пен қоғамның өзара байланысына, осы өзара байланыстың
кеңістіктік ерекшеліктеріне ғылыми көзқарас қалыптастыру.
3. Қоғамдық өндірістің, табиғатты қорғау мен табиғатты тиімді пайдаланудың
жаратылыстану-ғылыми, әлеуметтік-экономикалық негіздерін ашу.
4. Оқушылардың географиялық зерттеулер жүргізу тәсілдері мен дағдыларын
меңгеруіне мүмкіндік жасау.
5. Оқушылардың география ғылымының түсініктері мен терминдерін меңгеруіне
мүмкіндік туғызу.
6. Кеңістіктік ойлау мен картографиялық дағды қалыптастыру;
7. Географиялық білімдерін тәжірибеде, күнделікті өмірде қолдану дағдысын
қалыптастыру.
«География» оқулығының мазмұны мәселелерді әлдеқайда кең ауқымда қамтиды:
география ғылымының құрылымынан бастап біздің ғаламшар туралы, дүниежүзіндегі
мемлекеттер мен халықтары туралы білімге дейін.
