Құрамы Бір таблетканың құрамында белсенді зат 50. мг эритромицин

Препаратты тамақтанудан 1 сағат бұрын немесе тамақтанудан кейін 2 сағаттан соң ішке қабылдайды.

Тыныс алу жолдарының жоғарғы және төменгі бөліктерінің жұқпаларында; тері мен жұмсақ тін жұқпаларында: 3 күн ішінде 1 рет қабылдау арқылы тәулігіне 500 мг.

Лайм ауруында бастапқы сатыны емдеу үшін: алғашқы күні 1 г және 2-күннен бастап 5-күнге дейін тәулігіне 500 мг.

Неlicobacter pylori-мен астасқан асқазан және он екі елі ішек ауруларында: 3 күн ішінде тәулігіне 1000 мг біріктірілген ем құрамында.

Жыныстық жолмен жұғатын ауруларда: асқынбаған уретрит/цервицитте – бір рет 1000 мг.

12 жастағы және одан үлкен балалар:

500 мг таблетканы 12 жастағы және одан үлкен, дене салмағы 45 кг-нан асатын балаларға 3 күн бойы тәулігіне 1 рет немесе алғашқы күні дене салмағының әр кг-на шаққанда 10 мг, содан кейін 3 күн бойы тәулігіне 5 - 10 мг-дан тағайындайды. Дене салмағы 45 кг-дан төмен болғанда басқа дәрілік түрді қабылдаған жөн.

Лайм ауруының алғашқы сатысын емдеген кезде: доза алғашқы күні дене салмағының әр кг-на шаққанда 20 мг-ды және 2-күннен бастап 5-күнді қоса есептегенде тәулігіне дене салмағының әр кг-на шаққанда 10 мг-ды құрайды.

Препараттың бір дозасын қабылдауды өткізіп алған жағдайда ұмытып қабылданбай қалған дозаны мүмкіндігінше ертерек қабылдаған, ал кейінгілерін 24 сағат үзіліспен қабылдаған жөн.