Микроэлементтердің көпшілігі бауырда, сүйек және бұлшық ет ұлпаларында жиналады. Бұл ұлпалар көптеген микроэлементтердің негізгі қоры. Элементтер кейбір мүшелерге тән болып табылады және онда көп мөлшерде болады. Мысалы, мырыш –қарын асты безінде, йод – қалқанша безінде, фтор – тіс эмалінде, мышьяк, алюминий, ванадий – шашта, кадмий, сынап, молибден – бүйректе, стронций – қуық безінде, қалайы ішек ұлпаларында, сүйек ұлпасында, барий – көздің пигментті қабатында, бром, марганец, хром – гипофизде және тағы басқаларда кездеседі. Сонымен қатар микроэлементтердің ағза үшін физиологиялық маңызы өте жоғары.
