Балалардың «сыйластық» махаббат, сүйіспеншілік, ұғымдарының құндылықтары туралы түсініктерін кеңейту.
Міндеттері:
-отбасы жарастығы, татулығы туралы түсінік қалыптастыру
-отбасында жағымды қарым-қатынас жасау іскерліктерін дамыту
-өзара сыйластыққа тәрбиелеу
Ресурстар:слайд,
Видеоролик,
стикерлер,
жүрекшелер,
күннің суреті,
май шам
Сабақ барысы:
1.Ұйымдастыру кезеңі.Тыныштық сәті.
Қайырлы таң!Балалар!
Көзімізді жұмып,терең демаламыз.Біз барша тіршілікке жылу мен жарық шашқан күннің көзіне айналдық.Күннің көзі болып, жарқыраған бойымыз тек жақсылық ойлайды, күннің жылуымен рахаттанған қолдарымыз тек жақсылық ойлайды. Күннің жылуымен рахаттанған қолдарымыз тек жақсы істер жасайды. Жап-жарық сәуле шашқан аяқтарымыз тек дұрыс жолмен жүреді. Күннің жарығы аузымызға да кірді, ол тек шындықты айтады. Ал құлағымыз жақсы сөздерді естиді. Маңдайымызға жеткен жарық сәулемен бірге ең сүйікті адамдарға, отбасына, желге, жануарларға, табиғатқа жылы сәулемізді сыйлап, іштей жақсы тілектер тілейік. Қандай сезімде болдыңыздар?
Сабақ барысын талқылау
2. Үй тапсырмасы . Тақырыпқа сәйкес даналық сөздер жазып келу.
Тексеру
3. Мұғалім сыйы:
«Маңызды мәселенің қарапайым баяны» тақырыбында ата мен әженің, ана мен әкенің, аға мен інінің, қарындастың отбасындағы қандай орын алатыны туралы баяндау.
Бүгін біз, сендермен, отбасы татулығы туралы әңгімелестік. «Күннен жылу тараса, анадан мейірім тарайды» деген нақыл сөзді есімізге түсірсек, сүйіспеншілік бар жерде махаббат, қамқорлық, мейірімділік бар екендігіне көзіміз жетті. Жүрегімізде орын алған үлкенге сүйіспеншілік сезімдерімізді, алақанымызға салып, барша әлемге сыйлайық!