Сабақ жоспары. Сабақ тақырыбы: Астың сіңірілу қасиеті. Тістің құрылысы түрлері. Модуль /пән атауы: Анатомия,физиология және балалар гигиенасы Дайындаған педаго г: Нурметова Д. А
жүктеу/скачать 1,42 Mb.
|
Анатомия По урочный. 2021-22
- Бұл бет үшін навигация:
- Сабақ жоспары.
- 1.Жалпы мәліметтер Курс: 1 Топ: __________________ Сабақ типі: теориялық Пәнаралық байланыс:биология,медицина, гигиена Сабақтың мақсаты.
- Сабақтың құрылымы мен мазмұны. 1.Ұйымдастыру кезеңі
- 3.Жаңа материалды түсіндіру.
| 5.Қорытындылау.(білім бағалау)
Сабақ барысында белсенді түрде қатысқандарды өз бағаларын қою. Үй тапсырмасы: Бастауыш мектеп жасындағы балалардың анатомиясы, физиологиясы және гигиенасы 7-24 бет . ПБ төрағасы: У.О.Хидирбаев Пән оқытушысы: Д.А.Нурметова Сабақ жоспары. Сабақ тақырыбы: Жасушаның құрылысы, қызметі.Ұлпалар түрлері ,қызметі. Модуль /пән атауы: Анатомия,физиология және балалар гигиенасы Дайындаған педагог: Нурметова Д.А. Күні : 2021 жылғы "__" ___ 1.Жалпы мәліметтер Курс: 1 Топ: __________________ Сабақ типі: теориялық Пәнаралық байланыс:биология,медицина, гигиена Сабақтың мақсаты. Жасушаның құрылысы қызметі туралы түсіндіре отырып, оқушылардың сабаққа болған қызығушылығын арттыру. Сабақта қолданылатын көрнекі құралдар : Буклеттер, плакат Сабақтың құрылымы мен мазмұны. 1.Ұйымдастыру кезеңі: Студенттер мен сәлемдесіп,олар тугелденеді және дәптерлері тексеріледі. 2.Оқушылардың өткен тақырып бойынша білімін тексеру Тексеру әдісі сұрақтар: 1.Анатомия пәні нені үйретеді? 2 Физиология пәні ненеі үйретеді? 3 Гигиена пәні нені үйретеді ? 4 Анатомия физиология пәндеріне үлес қосқан ғалымдар? 5.Фагацитоз құбылысын қай ғалым ашты? 6.К.Гален нені зерттеді? 3.Жаңа материалды түсіндіру. Түсіндіру әдісі:лекция түрінде. Жасушаның негізгі тіршілік қасиеттері. Жасушаның негізгі тіршілік қасиеттеріне жататындар: зат алмасу, тітіркенгіштігі, өсу мен даму, көбею және т. б. Зат алмасу. Жасуша мен қоршаған орта арасында тынысалу, қоректену, қажетсіз өнімдерді шығару арқылы үздіксіз зат алмасады. Жасушадан сыртқы ортаға тотығу өнімдері шығарылып, қорек заттар мен оттек қабылданады. Көпжасушалы ағзалардың жасушалары ағзаның ішкі ортасында тіршілік етеді. Өсу мен даму зат алмасудың нәтижесінде жасушадағы жай заттардан күрделі органикалық заттар (нәруыздар, майлар, көмірсулар) түзіледі. Цитоплазма, ядро осы заттардан түзіліп жасуша өседі. Көбею жасушалардың бөлінуі арқылы жүзеге асады. Алдымен ядро, содан соң цитоплазма екіге бөлінеді. Әрбір бөлінудің алдында ядродағы хромосомалар ұзынынан екі еселенеді де, бір-бірінен ажырап, жас жасушаларға бөлінеді. Өсу мен даму жасушаларды ауыстырып жаңартса, көбею – тіршілікті дамытып, сақтап қалудың негізі.Жасушалар мен жасушааралық заттар ағзаның даму барысында ұлпаларға, мүшелерге, мүшелер жүйесіне және тұтас ағзаға бірігеді.Плазмалық жарғақша (мембрана) (латынша «membrano» – жарғақ, қабық) жасушаның сыртын қаптайды, май мен нәруызды заттардан түзілген. Өсімдіктердің плазмалық жарғақшасының сыртында цитоплазмадан бөлінген өлі заттан түзілетін жасунықты (целлюлозалы) қалың қабықшасы болады. Мұндай қабықша жануарлар мен адамның жасушаларында болмайды. Олардың жасушалары тек плазмалық жарғақшамен ғана қапталады.Жарғақшаның қызметі: 1) жасушаның ішіндегі барлық қоректік заттар мен қажетсіз өнімдер жарғақша арқылы өтеді. Себебі плазмалық жарғақшаның өте жұқарған жерін саңылау дейді. Заттардың барлығы саңылаулар арқылы өтеді; 2) плазмалық жарғақша жасушаның ішіне қажетті заттарды оңай өткізіп, зиянды заттарды өткізбейді; 3) жарғақша арқылы жасуша қоршаған ортамен қатынас жасайды. Әр түрлі заттар тек жасушаның ішіне ғана өтпей, көршілес жасушаларға да өтеді. Қатар жатқан екі жасушаның цитоплазмалары саңылау арқылы бір-біріне өтеді.Цитоплазма (грекше «kytos» – жасуша, «plasma» – іркілдек сұйықтық) – плазмалық жарғақшамен ядроның орталығын толтырып тұратын іркілдек сұйықтық. Жасуша мен сыртқы орта арасында жүретін зат алмасуды қамтамасыз ететін жасушаның қажетті бөлімі. Цитоплазма жасушаның ішінде үздіксіз қозғалады. Егер қоршаған ортаның температурасы көтерілсе (жоғарыласа) цитоплазманың қозғалысы да күшейеді, төмендесе – баяулайды. Жоғары температурада цитоплазмада зат алмасу процесі (қоректену, тыныс алу) жылдамдайды.Ядро – жасушаның реттеуші орталығы. Пішіні – домалақ, таяқша, үрмебұршақ тәрізді, екі жағы қысыңқы және т. б. эритроциттер (қан жасушасы) мен тромбоциттерде (қанның пластинкасы) ядро болмайды. Ядроның сыртын цитоплазмадан бөліп тұратын екі қабат жарғақша қаптайды. Ядроның ішінде толтырып тұратын іркілдек ядро шырыны болады. Ядро қабықшасында да өте ұсақ саңылаулар бар. Ядро саңылаулар арқылы цитоплазмамен байланысады. Ядро цитоплазмамен тығыз байланысып, жасушаның барлық тіршілік әрекеттеріне (өсу, көбею, зат алмасу) қатысады. Ядро қабықшасы (жарғақшасы) заттардың қозғалысын (ядроға енуі, ядродан шығуы) реттейді. Ядро шырынында хромосомалар мен ядрошықтар болады.Хромосома (грекше «chroma» – түсі, «somа» – дене, тез боялатын дене) – тұқымқуалау қасиетін сақтайтын жіп, таяқша тәрізді түзіліс. Адамның дене жасушаларында хромосомалардың саны тұрақты – 46, жыныс жасушаларында 23. Хромосоманың бөліктерін – «ген» дейді. Гендер хромосоманың ұзындығына қарай түзу сызық бойымен орналасқан. Олар тұқымқуалау белгілерін ұрпақтан ұрпаққа жеткізіп отырады.Ядрошықтар – кейбір жасушаларда пішіні мен құрылымын өзгертіп тұратын тығыз түзіліс (денешік). Жасушалардың бөлінуге дайындық кезеңінде ядрошық жойылып, басқа кезеңінде қайта түзіледі. Ядрошық нуклеин қышқылының синтезіне қатысады. жүктеу/скачать 1,42 Mb. Достарыңызбен бөлісу:
|