Мақсаты: оқушылардың кітапқа деген қызығушылығын арттыру, оқу мәдениетіне тәрбиелеу, оның пайдасы мен маңызын ұғындыру.
Білімділікке, ізгілікке, ұқыптылыққа, кітапқұмарлыққа тәрбиелеу.
Көрнекіліктер: слайдтар, плакаттар, кітап көрмесі, ту жалауша, қағаз, қаламдар, мультфильм, залмен жұмыс, музыкалық фон, фотоаппарат, видеоға түсіру, бағалау парағы, грамота
І Кіріспе бөлім
Фанфар ойнайды,оқушылар орындарынан тұрып қонақтарды қарсы алады.
Фанфар аяқталғасын, оқушылар орындарына жайғасады.
Кітапханашы: Армысыздар ұлағатты ұстаздар, көздерінде от ойнаған жалынды оқушылар! Өнер мен ғылымның қасиетті тұғыры болған оқу ордамыздағы «Кітап – ойдың талмас қанаты » атты сайысты ашық деп жариялаймыз! Білім алу үшін кітап ауадай қажет.Ол білімнің бұлағы, оны бойына сіңіру үшін көп оқу қажет. Кітап – қымбат дос.Ол сенің айыбыңды ашпайды, сырыңды сыртқа шашпайды. Саған әр уақытта үндемей көмектеседі.Әрдайым айтқаныңа көнеді.Оны сүй.Кітаптан үйренген жақсылығыңды жұртқа үйрет. Кітап – көп ақылдың құйылатын көлі, ортақ мүлік,халық қазынасы,сарқылмас білім бұлағы.
Ал, ендеше, құрметті қонақтар, сайысымызға қатысатын топтармен таныс болыңыздар.
1-топ «Ойшылдар»
2-топ «Алғырлар»
3-топ «Тапқырлар»
Сайыс бес кезеңнен тұрады.
1. «Сәлем-сөздің атасы» топтардың таныстыруы.
2. «Білім көзі-кітапта», мақал-мәтелдің жалғасын тап.
3. «Ойып айтар ой ...», мультфильмді көркем тілде, мазмұнын жеткізу, мультфильмдегі кейіпкерлерге мінездеме беру және мультфильмдегі негізгі ойды табу
4. «Дайын ұйқас» берілген ұйқастарды қатыстырып өлең шумақтарын құрастыру
5. Синкуейн (суретке қарап 5 жолды өлең құрастыру.)
Әр топтың өздерінің таныстыруы мен тапсырмасы болады.
Қазылар орнықтырар әділдікті,
Кімдердің жауаптарын кәдік шықты
Білім мен тапқырлықты бағалайтын
Әділ-қазылар алқасы әділ, мықты дей келе, әділқазылар алқасымен таныстырып өтейін
Достарыңызбен бөлісу: |
