| 7-қыркүйек 2019 жыл
2019-2020 оқу жылы бойынша ағымдағы жылдың 7-қыркүйегі күні бірінші және екінші кезең кластарында жаппай мектепішілік ата-аналар жиналыстары өтті.
Күн тәртібінде қозғалған басты мәселелер:
1. "Саналы ұрпақ-жарқын болашақ" тақырыбындағы пікірлесу;
2. 2019-2020 оқу жылында кластың оқу-тәрбие процесінің жылдық жоспарымен танысу;
3. Мектеп оқушыларының ішкі тәртіп ережесімен танысу;
4. Әр түрлі мәселелер.
9-қыркүйек 2019 жыл
Қалалық салауатты өмір салтын қалыптастыру мақсатында мектебімізде жаппай денешынықтыру жаттығулары жасалды. Білім алушыларымыздың қатысуымен өткен бұл акцияның басты мақсаты: өскелең ұрпаққа салауатты өмір салтын ұстану мәдениетін қалыптастыруды насихаттау еді. Жаттығу жүргізу мектеп алаңында еліміздің Әнұранымен салтанатты түрде басталып, әрі қарай көңілді сергітерлік әр түрлі әуен ырғағымен бірге жасалған таңғы жаттығулармен жалғасын тапты. Сонымен қатар, 5-6, 7-8 және жоғарғы 9-10-11 класс оқушылары арасында кросс сайысы өтті. «Халықтың салауатты өмір салты мен денсаулық сақтау мәселелері жөніндегі білімі мен хабардарлығын арттыра беру міндет. Халық арасында спорттың бұқаралық сипат алуына және спортты насихаттауға ерекше ден қою керек….» -деп, Қазақстан Республикасының Тұңғыш Президенті Нұрсұлтан Назарбаевтың Қазақстан халқына жолдауында айтқандай, өскелең ұрпақ-біздің ертеңіміз болғандықтан олардың спорттық білімдерін арттырып қана қоймай, осындай акцияларды көптеп ұйымдастыру жастардың салауатты өмір салтын дұрыс ұстануға өз септігін тигізері сөзсіз!
Достарыңызбен бөлісу: | 
