Сабақ «Құран және ислам ілімі»

2014-2015 оқу жылы

Оқушыларға Құран және ислам ілімі туралы жан-жақты мәліметтер беру;

Оқушыларға Құран туралы тың мәліметтер бере отырып, білімдерін тереңдету,

Исламның және Құранның бүгінгі қоғамдағы рөлімен

таныстыру, діннің танымдық-дүниетанымдық және психологиялық-педагогикалық аспектілерін ашу, оның гуманистік табиғатын және негізін түсіндіру.

Дамытушылық:

Оқушылардың діни сауаттылығын қалыптастырып, ойлау, есте сақтау, қабілеттерін дамыту;

Оқушылардың танымдық қабілеттерін дамыта отырып, талдауға, қорытынды

жасауға дағдыландыру;

Оқушылардың белсенді азаматтық көзқарасын қалыптастыру.

Тәрбиелік:

Оқушыларды өз Отанына құрметпен қарауға, қорғауға, ұлтжандылыққа, мәдениеттілікке, адамгершілікке, діни түсіністік пен сыйластыққа тәрбиелеу;

Оқушылардың бойында гуманистік дүниетанымның негіздерін, рухани-адамгершілік құндылықтардың жүйесін қалыптастыруға ықпал ету.

Сабақтың типі: Аралас сабақ

Сабақтың әдісі: сұрақ-жауап, түсіндіру, жарыс сабақ, топтық жұмыс.

Сабақтың көрнекілігі: плакат,суреттер, әлем картасы, слайд.

Болжамдап отырған нәтиже: Қарастырылып отырған тақырып бойынша білімі толық қалыптасқан тұлға.
Сабақтың барысы: І. Ұйымдастыру кезеңі

ІІ. Үй тапсырмасын сұрау

ІІІ.Үй тапсырмасын қорыту

ІV.Жаңа сабақ

V. Жаңа сабақты бекіту

VІ. Бағалау

VІІ. Үйге тапсырма

І. Ұйымдастыру кезеңі:

Оқушылармен сәлемдесу

Оқу құралын тексеріп, түгендеу

Оқушылардың зейінін сабаққа аудару

Оқушыларды үш топқа бөлу.

1 топ. «Иман»

2 топ. «Нұр»

3 топ. «Шапағат»

І тур. Әр топ өз тапсырмасын қорғап шығады. Қорғау интерактивті тақтаны пайдалана отырып үйде дайындап келген материалдар негізінде жүзеге асады.

1 топ. «Иман» - Ислам діні пайда болғанға дейінгі араб әлемі

2 топ. «Нұр» - Ислам дінінің пайда болуы

Кестені толтыру арқылы оқушылардың үй тапсырмасын қалай меңгергендігі тексеріліп қорытындыланады.

Құран – барша мұсылмандардың ерекше қадір тұтып, ұстанатын қасиетті кітабы. «Құран» сөзі араб тілінен аударғанда «көп оқылатын кітап» деген мағынаны білдіреді. Құранның негізгі аттары: әл-Китаб. Бұл сөз Құранда екі жүз отыз мәрте кездеседі. әл-Фурқан. “Ақиқат пен жалғанды айырушы” мағынасындағы бұл сөз Құранда алты рет кездеседі. Нур, Мубин. Құранның бұдан басқа да есімдері: Кәләм, Куда, Рахмәт, Шифа, Тәнзил, Уахи, Баян, Хақ, Адл, Бушра, Қасас, Азиз, Хикмәт, Хаблуллаһ, Рух, Муһәймин, Қайим, Зікір, Бәләғ, Мәжид, Уммул-Китаб‚ т.б. Қадір сүресінде айтылғандай, алғашқы құдайлық аян (уахи) 610 ж. рамазан айының Қадір түні Мекке тауының Хира үңгірінде Мұхаммед пайғамбарға (ғ.с.) ұалақ сүресінің (“Жаратқан Раббыңның атымен оқы!”) бес аятынан бастап түсті. Ең ұзақ аят Бақара сүресінің 282-аяты. Ең қысқа аяттар — Ясин, 36/1; Рахман, 55/1,64; Мүддессір 74/21; Фәжр 89/1; Дүха 93/1; Асыр 103/1. Құрандағы сөздер саны 77 934 екендігі анықталған. Құранда 6666 аят (Асым қирағаты бойынша), 114 сүре бар. Ең қысқа сүре үш аяттан тұратын Кәусар сүресі. Ал ең ұзағы 286 аяттан тұратын Бақара сүресі. Құран Алла құзырынан Жебірейіл періште арқылы, Мұхаммед пайғамбарға (ғ.с.) жиырма үш жыл бойы түскен. Мұхаммед пайғамбардың (ғ.с.) өмірінің ақырына дейін уахи келуі ықтимал болғандықтан, оның көзі тірісінде Құрантолық бітті деп, бір кітап етіп жинақтау мүмкін емес еді. Ол өмірден өткеннен кейін ғана уахи тоқталғаны айқындалып, алғашқы халифа Әбу Бәкр кезінде Құран бір кітап етіп жинақталды. Құранның пайғамбар кезінде жиналып бір кітап етілмеуінде басқа да бірнеше себептер болған:

1. 
   Құран мәтінінің сенімді кепілі Мұхаммед пайғамбардың (ғ.с.) өзі тірі болған соң, Құран жазылған парақтар мемл. істердің бәрінде бірдей ресми түрде қолданылмады. Кейіннен келген халифалардың мұндай ерекшелігі болмағандықтан, жазылған парақтарды бір кітапқа жинақтау қажеттілігі туды.
   
2. 
   Әбу Бәкр “мұсхаф” кітапты сахабалардың қолдарындағы жазылған түпнұсқалары мен жаттаған Құран арқылы растап әрі кейбір адамдардың жеке қателіктерін дұрыстап, нәтижеде үмбеттің бәрі бір ауыздан қабыл еткен “Имам мұсхаф” — негізгі кітапты жинақтамақшы болды.
   
3. 
   Ямәмә соғысында көптеген сахабалар шейіт болды. Осыдан кейін Омар Халифа Әбу Бәкр Зәйд ибн Сәбиттің бастауымен алқа құрып, Құранды бір кітап етіп жинаттырды.
   

Топты бағалау.