Оқу іс-әрекетін қорыту.
Балалар сабақ соңында жасалған мүсіндерді бір жерге жинап, бір-бірімен салыстырады, орындалған жұмыстарды талдау, пікірлерін айту.
27-сабақ. Сабақтың тақырыбы: Қойлар.
Оқу іс-әрекетінің түрі: мүсіндеу.
Оқу іс-әрекетінің мақсаты: мүсіндеу кезінде төрт түлік малдың өзіне тән ерекшеліктерін бере білу; әртүрлі пішіндегі цилиндрлерді мүсіндей білу дағдыларын бекіту; жекелеген пішіндерден мазмұнды композиция құрастыра білуге дағдыландыру.
Керекті құралдар мен материалдар:
Ойыншық қойлар, дайын жұмыстың үлгісі, ермексаз, тақтайша, кескіш таяқша, қолорамал.
балалар үшін: жұмыс дәптері, ермексаз, тақтайша, кескіш таяқша, қолорамал.
Оқу іс-әрекетін ұйымдастыру.
1.Кіріспе әңгіме: балаларға төрт түлік мал, оның ішінде қой жайында жұмбақ жасыру.
Кішкентай ғана бойы бар,
Айландырып киген тоны бар.(қой)
Жұмбақтың дұрыс шешімінен кейін, қойдың, ешкінің суретін көрсетіп, дене құрылысына, түр сипатына назарларын аударады, екеуінің бір-бірінен қандай айырмашылығы барын айту. Балаларға қойдың пайдасы, олардың адам өмірінде алатын орны туралы әңгімелеп береді. Бүгінгі сабақта осы қойды мүсіндейтіндерін айтып, мүсіндеудің қандай тәсілі қолданылатынын анықтау.
2. Түсіндіру: ермексаздан қойдың жасалу жолын ретімен түсіндіріп, көрсете отырып, мүсіндеу жұмысын орындау.
Ақ ермексаздың бір кесегін жұмсартып алу.
Ақ ермексаздан цилиндр-басын, жұмырланған цилиндр- ценесін, шұжық - аяқтарын (4 дана), жіңішке шұжық - құйрығын, сопақша шелпек - құлақтарын, цилиндр - мүйізін дайындау.
Цилиндр пішінді басының бір жағын аздап жалпақтап, денесіне біріктіру.
Басына құлағын, кекілін, мүйізін біріктіру.
Дөңгелек немесе сопақша шелпек тәрізді пішіндерді жүнінің реңіне келтіріп, жапсыру.
Аяқтарын денесіне біріктіру.
Тіс шұқығыш шидің көмегімен көзін, аузын, мұрнын белгілеу.
3.Өзіндік жұмыс: Балалар жұмыс дәптеріндегі мүсіндеу жұмысының орындалу іетіие қарап, қойдың дене мүшелерін ермексаздан илеп біріктіреді, мүсіндейді, мазмұнды композиция құрастырады.
Достарыңызбен бөлісу: |
