Н.Е.Балгужиева - қазақ тілі мен әдебиеті пәндерінің оқытушысы:
Сабақ әдістемелік талаптарға сай өтілді. Оқытушының сөйлеу мәнері, топтағы әр оқушының сабақ үстінде белсенді болуын үнемі қадағалап отыру ұнады. Самал Анжановна сабақты түрлендіріп өткізді. Ролдік ойын, постер қорғау, автор орындығы, ойын элементтері сәтті шықты. Пәнаралық байланыс болды. Алға қойған мақсат біреу болғандықтан сабақтың әр кезеңдері, бір – бірімен байланысып, жүйелі қорытындыланып өз уақытында өтті деп ойлаймын.
С.М.Тажгулова – химия пәнінің оқытушысы:
Ашық сабақтың тақырыбына мақсаттары сай алынған, сабақ жоспары жүйелі құрылған. Оқушылар сабаққа белсенді қатысты. Рефлексияда жақсы жауап берді. Сабақ материалдары бай. Слайдтар да жақсы дайындаған. Сабақты түрлендіріп өткізді. Әр команда берілген тапсырмаларды қызығушылықпен орындады. Сабақ алдына қойған мақсатына жетті.
М.Е.Чапаева - қазақ тілі мен әдебиеті пәндерінің оқытушысы:
Сабақ тақырыбы оқушыларға бұрыннан таныс болғандықтан, жеңіл қабылданды. «Зер ттеушілер», «Әдебиетшілер», «Тілшілер» тобы сабақ бойы белсенділік танытып, берілген тапсырмаларды жауапкершілікпен орындады. Маған ұнағаны, әр топ қарсы топтың жауабын «Екі жұлдыз, бір тілек» әдісімен бағалауы. Оқушылар Ы.Алтынсариннің әңгімелерін жан-жақты талдап, тақырыпты аша білді. Үйге тапсырмасы оқушылардың жас ерекшеліктерін ескере отырып, берілді. Жас оқытушы ретінде бүгінгі сабақтан алған әсерім көп.Рахмет!
Достарыңызбен бөлісу: |
