Сабақ тақырыбы: Сутектің химиялық қасиеттері,қолданылуы, алынуы

жүктеу/скачать 152,96 Kb.

бет	1/2
Дата	24.04.2017
өлшемі	152,96 Kb.
	#14842
түрі	Сабақ

1 2

Атырау облысы

Атырау қаласы

Дамбы селосы

Амангелді атындағы орта мектебі КММ

Әбу Жанат Сәрсенқызы химия пәнінің мұғалімі

Сыныбы: 8 - сынып

Сабақ тақырыбы: Сутектің химиялық қасиеттері,қолданылуы, алынуы.

Сабақ мақсаты: Білімділік: Сутегі элементіне жалпы сипаттама беру. Физикалық, химиялық қасиеттері, алу және қолдану туралы түсінік беру.

Дамытушылық: Сутегін алуда қауіпсіздік ережесін еске түсіру, Кипп аппаратымен жұмыс істеп үйрену.

Тәрбиелік: Сабақ уақытын бағалауға үйрету, еңбекқорлыққа және қызығушылығын арттыру.

Сабақ әдісі, түрі: Жаңа сабақ, түсіндіру, тәжірибе топтық жұмыс.

Көрнекілігі: интерактивті тақта, 8 – сынып №12 көрсетілім, сілтілік натрий түйірі, су, фенофталеин ерітіндісі, тұз қышқылы, мырыш түйірі, сынауықтар және қысқыштар.

I. Сабақтың жүру барысы:

А)Оқушыларды тексеру Б)Оқу құралдарын тексеру

II. Жаңа сабақ жоспары:

1.Сутек элементіне сипаттама

2. Табиғатта кездесуі

3. Ашылу тарихы

4 Физикалық қасиеттері

5 Сутегінің алынуы, Кипп аппаратының құрылысы

6. Химиялық қасиеттері

7. Қолданылуы

8. Тапсырмалар (Топтық , сан есеп, сөзжұмбақ және сынақ .)

Жалпы сипаттамасы: Химиялық таңбасы Н, ол “аш” деп оқылады. Салыстырмалы атомдық массасы 1,008. Жай зат түзетін газ күйіндегі сутек – екі атомнан тұратын молекуладан Н₂ құралады. Сутек молекулалары бір-біріне әлсіз тартылады, сондықтан қалыпты жағдайда газ. Жер бетінде оттекке қарағанда сутек едәуір аз. Жер бетінде сутек бос күйінде кездеспейді десе де болады. Көп тараған сутектің ең басты қосылысы – су. Сутектің жер қыртысында газ күйіндегі метанның, қатты тас көмірдің, сұйық күйдегі мұнайдың, көптеген минералдар мен тау жыныстарының құрамында оттекпен қатар сутек те кіреді. Жер қыртысындағы сутектің массалық үлесі 1 %. Ол аз болып көрінгенмен, шындығында жердегі әр 100 атомның, шамамен, 10 атомы сутектің үлесіне келеді.

Ашылу тарихы: 1776 жылы сутекті Г.Кавендиш алды. Француз ғалымы А. Лавуазье сутектің жай зат екенін анықтап, оған “гидрогениум” деп ат берген. Латынша бұл “су тудырушы” дегенді білдіреді.

Кездесуі. Бұл табиғатта таралуы бойынша 9-шы орында тұрған элемент, оның үлесіне жер қыртысының 1,4%-ы тиеді, жер бетінде сутек байланысқан күйде (су, мұнай, тас көмір, т. б.), ал ғарышта 63%-ы болады. Табиғатта тұрақты екі изотопы ¹Н (протий) және ³Н (тритий) кездеседі, жасанды жолмен радиоактивті изотопы 3Н мен өте тұрақсыз ⁴Н алынған. Сутек - әлемде көп тараған элемент. Массасы бойынша атмосферадағы сутектің мөлшері 3,5 *10 -6% литосфера мен гидросферада – 1% , суда – 11,9%.

H₂

Физикалық қасиеті. Сутек элементінен тұратын жай зат — сутегі, ол екі атомнан тұрады, формуласыН₂; М(Н₂)=2, М=2 г/моль. Бұл түссіз, иіссіз, дәмсіз, өте жеңіл (р=0,09 г/л) газ күйіндегі бейметалл, оның қайнау (-252,76°С) және балқу (-259,2°С) температурасы өте төмен. Суда нашар ериді (100 көлем суда 2 көлем газ (t=20°С).

Сутегінің алынуы. Зертханаларда белсенді металдын, (Zn, Mg) қышқылдармен әрекеттесу реакциясы арқылы алады. Көп жағдайда мырышты пайдаланады.

Кипп аппараты. Зертханаларда сутегін және басқа да газдарды (С0₂, H₂S, т.б.) қажеттілігіне қарай дүркін-дүркін алып түру үшін арнайы құрылғы қолданылады, ол «Кипп аппараты» деп аталады.

жүктеу/скачать 152,96 Kb.

Достарыңызбен бөлісу:

1 2