Сабақ түрі: сайыс-сабақ. Көрнекілігі: слайд, нақыл сөздер. «Тек кітап қана алға жылжуды, адамдық шыңына шығуды үйретеді»

Ағасы үшінші сыныпта оқитын інісінің ана тілі кітабын көріп таңданды.

- Берік, бері келші

- Не , аға?

- Ана тілі кітабыңның бас жағындағы алпыс бетін кім жыртып тастаған?

- Мен

- Керегі жоқ қой. Өтіп кеткен сабақтар.

- Е, сонда кітап күнтізбе болғаны ма?

- Ия, - деді Берік

- Күнде өткен сабақты күнде жыртып тастаймын. Әйтпесе, кейін қай тақырыпты өттік, қай тақырыпты өтпедік білмей шатысып кетемін.

Ағасы қабағын түйіп:

• 
  Бұлай етуге болмайды, - деді.
  

• 
  Болады, - деді. - Біздің сыныпта балалардың бәрі сөйтеді.
  

- Кітапты жыртуға болмайды. «Кітап - біздің досымыз» дегенді білесің бе?

- Білемін

- Сондықтан кітапты күтіп, ұқыпты ұстау керек.

Берік осыдан кейін кітаптарын жыртпайтын болды.

«Білгірлер» тобының көрінісі «Ескі кітап»

Жалпы демалыс аяқталып, жаңа оқу жылы басталған кез болатын. Оқушылар мектеп кітапханасынан оқулық ала бастады. Ләйлә үшінші сыныпқа көшкен. Ол мектептен оқулықтарын алып үйіне оралды. Анасы оның қабағындағы кірбіңді байқап:

- Қызым не болды? Біреу ренжітті ме?

- Жоқ

- Маған мұқабасын мыж-мыж ескі кітаптар берді. Осындай кітапты оқығым келмейді,- деп көзіне жас алды.

Анасы Ләйләнің қылығына күліп былай деді:

• 
  Қызым, оған неге ренжисің, ақылы бар бала, жыртылған жерін желімдеп, тысын қаптап, жаңартып алды. Кітаптың сыртына емес, ішіне үңілу керек. Ол - әр адамның сырлас досы. Сондықтан оны күтіп ұстап, кейінгі іні-сіңлілеріңе берген жөн.
  

Екі топқа түсіндірме сөздіктен карточкаға жазылып екі сөз беріледі. Сол сөздерді қай томнан, қай беттен тапқандығы, мағынасы туралы айту керек. Дұрыс тапқан топқа 3 ұпай беріледі.

1. Шақырық – құмдауыт ашық далада мекендейтін құс. 212 бет, Т.15. Қазақ әдеби тілінің сөздігі

2. Болажна - болыс, билердің сыбағасына тиетін алым-салық. 461 бет. Т.3. Қазақ әдеби тілінің сөздігі

3. Мәнзүр – елең қылмады, ескермеді. 130 бет,Т.11. Қазақ әдеби тілінің сөздігі

4. Кәкір – мін, мәніс. 477 бет, Т 7. Қазақ әдеби тілінің сөздігі

1. Папирус деген не? (жапырақ парақ).

2. Ерте заманнан бері адамдар жазуға қандай материалдарды қолданған? (тас, балшық, қағаз, папирус, пергамент).

3. Баспа станогын ең алғаш ойлап тапқан кім, қашан, қайда? (15 ғасырда, Германияда, Иоганн Гутенберг).

4. Ең алғаш Русьте кітап басуды ойлап тапқан кім? (Иван Федоров).

5. Қазақстанда қандай кітап баспалары бар? (Атамұра, Рауан, Мектеп, Аруна, Шакура, Алматыкітап, т.б).