Еркін және еріксіз электромагниттік тербелістер. Механикалық және электромагниттік тербелістер арасындағы ұқсастық
Берілген сабақта қол жеткізілетін оқыту мақсаттары: (оқу бағдарламасына сілтеме)
11.4.2.3 - компьютерлік моделдеу арқылы заряд пен ток күшінің уақытқа тәуелді графиктерін зерттеу.
Сабақтың мақсаттары:
Теориялық білімді бекіту бойынша оқушылардың шығармашылық қабілетін дамытуға негізделген практикалық жұмысты ұйымдастыру;
Талдау жасауға, алған білімдерін қорытындылауға, оны есептер шығаруда қолдана білуге дағдыландыру.
Оқушы Еркін және еріксіз электромагниттік тербелістердің сипаттамаларын біледі;
Теориялық білімдерін зарядтың, ток күшінің уақыттан тәуелділік графиктерін тұрғызуда қолданады.
Тілдік мақсаттар
Пәндік лексика және терминология Тербеліс – периодты қайталанып отыратын қозғалыс.
LC тізбегі – индуктивті катушка мен сыйымдылықты конденсатордан тұратын тізбек.
Конденсатор - оқшаулағышпен (немесе вакууммен) бөлінген екі өткізгіш. Оның мақсаты электр өрісінің энергиясы мен электр зарядын сақтау.
Индуктивті катушка – тербелмелі контурда магнит өрісін, индукциялық ток туғызып, тербелістің бағытын өзгетеді. Айнымалы ток тізбегінде индуктивті катушка кедергінің рөлін атқарады.
Еркін электромагниттік тербеліс - LC тізбегінде конденсаторды зарядтағаннан кейін, конденсатордың электр энергиясының катушканың магнит өрісінің энергиясына және кері бағытта энергияның түрленуі арқылы алынған тербеліс.
Еріксіз электромагниттік тербеліс - сыртқы мәжбүрлеуші күш - ЭҚК-інің периодты әрекетінен болатын тербеліс.
Резонанс – жүйенің меншікті жиілігі мен сыртқы мәжбүрлеуші күштің жиілігі теңескен кезде еріксіз тербеліс амплитудасының күрт артып кетуі.
Электромагниттік тербеліс – зарядтың, ток күшінің және кернеудің периодты өзгерісі.
Құндылықтарды дарыту
Жұптық жұмыс кезіндегі өзара көмек, академиялық шындық.
Бақылау және өзін бақылауды дамыту;
Пәнге деген тұлғалық-мағыналық қатынасты орнату.
