Жолдауда Елбасы үш тіл туралы тиімді ойлар айтқан. Үш тілді бірдей меңгеру азаматтардың тұлғалық қасиетін анықтайды. Орта ғасырларда түркітілдес халықтардың зиялылары үш тілде сөйлеген. Билікке қатысты түрікше, поэзияға қатысты болса – парсы, ал философияға, дінге, дүниетанымға қатысты әңгімелер болғанда, зиялылар араб тілінде сөйлеу дәстүрі болған. Бұл Абай өмір сүрген заманға дейін жеткен. Хакім Абай бес тілді: қазақ, түрік, орыс, парсы, араб тілдерін білген.
«Қазір біз балаларымыз қазақ тілімен қатар орыс және ағылшын тілдерін де белсенді меңгерту үшін жағдай жасауға шаралар қабылдап жатырмыз. Орыс тілін білу – біздің ұлтымыздың тарихи артықшылығы екені баршаға белгілі.Ағылшын тілін меңгеру біздің еліміздің әрбір азаматына өмірдегі шексіз жаңа мүмкіндіктерді ашады -деді Елбасы халыққа жолдаған Жолдауында.
