Сабақ барысы:
Ұйымдастыру кезеңi:
Студенттермен амандасу,тексеру, «Өзін- өзі тану» сабағының ережесін «5-Т» /тәртіп,талап,тыныштық, тазалық, татулық/ қайталату.
Тыныштық сәті
Ыңғайланып отырыңыздар, денелеріңізді түзу ұстаңыздар. Аяқ- қолыңызды айқастырмаңыз, қолыңызды тізеге немесе үстелге қоюға болады. Көздеріңізді жұмуларыңызды өтінемін.
Жағымды әуен қойылады (Әуенді қатты қоюға болмайды, білім алушылар мұғалімнің дауысын анық естіп тұруы керек. Сонымен қатар, мұғалім әуен аяқталғаныша сөйлегені абзал). Тыңдаушылардың көздерін жұмып,бір терең дем алуларын, омыртқа жотасын тік ұстап, аяқ-қолдарын айқастырмауларын, бір-біріне сүйенбеулерін сұраймыз. Оқытушы асығыссыз, жәй, жұмсақ дауыс ырғағымен, өте баяу сөйлей бастайды: "Көз алдымызға орманға апаратын жалғыз аяқ жолды елестетеміз. Осы жолға түсіп, орманға қарай бет аламыз. Орманда ауа тап-таза, терең дем алып, әр әсем жапыраққа, әр әсем гүлге үңіле қараймыз. Ертегілер еліне келгендей әсер аламыз. Бәрі әдемі, биік-биік ағаштар. Ағаштың биіктігін көрмек болып, басымызды аспанға көтереміз. Сол сәтте көзімізге, ағаштардың арасынан күннің нұры түсіп,бойымызга күннің нұры тарай бастады. Осы күннің жылы нұрымен біздің бойымызға денсаулық қуаныш, бақыт, энергиясы тарап жатқанның сезіп тұрмыз. Қандай рахат. Мен өзімді жеңіл жақсы сезініп тұрмын. Менде бәрі жақсы болады.
Әуен аяқталар кезде сәл ақырын қойып, ендә балалар бойымызға тараған денсаулық қуаныш бақыт энергиясын ұзақ уақыт сақтап, қалуға тырысып, көзімізді ашамыз.
|
