Сабақтың тақырыбы: «Анықталған интеграл, оның қасиеттері. Ньютон-Лейбниц формуласы»

Ұраны: «Жеті жұрттың тілін біл, жеті түрлі білім біл»

Бұл ойында қазақтың халық ауыз есептері оқылады.

1. Жылқыға жем беру туралы есеп.

Біреу алты жылқысына күн сайын он қадақ сұлы беріп жүреді екен. Жем жылқының жасына қарай бөлінеді: 3 қадақ – биеге, 2 қадақ – құнандарға,

1 қадақ – тай басына беріледі.

Мал иесі үйіне алыстан келіп, қонақ болып отырған жекжатына осы тіршілігін айтып қалады. Сонда бие нешеу, құнан нешеу, тай нешеу болғаны?

(Бие-1, құнан-2, тай-3)

2. Бес саулық туралы есеп.

Ауыл ақсақалының төрт ұлы болыпты. Олардың үшеуі өз алдына отау тігіп кетіпті. Ақсақал төртінші баласын үйлендіріп, оның алдына бес саулық салып беруді ойлайды. Бір күні ол үш ұлының үйлеріне барып, бәрінің қойы 41 бас екенін біліп қайтады. Оларды шақырып алып: «Әрқайсың қойларыңды төртке бөліп, бөлінбей қалғанын кенже інілеріңе беріңдер»-дейді. Үш жігіт бөлінбей қалған қойларын кенже інілеріне береді. Екеуіңнің қойың менікінен артық еді, енді теңесті, -дейді үш жігіттің біреуі.

Бұл үшеуінің қойлары алғашында қанша болған?

(13,14,14)

3. Табақ тарту туралы есеп.

Бір меймандос адамның үйіне достары келіпті. Оларға шай беріпті. Шайдан кейін қазанға ет салынады. Тамақ пісіп, табақ тартыларда үй иесі меймандарды көзбен шолып шықты да, ойланып қалды.

Ошақ басында жүрген жұбайына келіп: Екеу ара бір табақ тартсақ, бір табақ жетпей қалады. Үшеу ара бір табақ тартсақ, бір табақ артылып қалады, енді не істесек екен?-дейді. Бұл үйдің меймандары қанша? Табақ саны қанша? (Мейман-12, табақ-5)

4. Ешкілі жігіт туралы есеп.

Ертеде бір жарлы жігіт жылдар бойы байға жалданып жүріп, ірілі-ұсақты біраз ешкі жинап алыпты. Бұлардың үлкен ешкілерінің тушалары екі есе, ал шыбыштары үш есе көп. Көктемде шыбыштары жалқы, тушалары егізден, ал үлкен ешкілері үштен лақ табады. Жарлы жігіттің барлық ешкілерінің саны лақтарымен қосқанда 64-ке тең. Бұл үйде ең алғашында қанша шыбыш, қанша туша, қанша ешкі болған?

(Ешкі-4, туша-8, шыбыш-12)

Ұраны: «Білімнің басы бейнет, соңы зейнет»

Бұл сайыста оқушылар тест сұрақтарына жауап береді.
Сабақ соңында әр ұлттық ойын бойынша жеке топтарға орын беріліп, оқушылар білімі бағаланады.
VІ. Сабақты қорытындылау.

Оқушылардың білімін жинақтау, жүйелеу, бір қорытындыға келу.

1. 
   «Интеграл» сөзіне сөзжұмбақ, ребус құрастыру.
   
2. 
   «Анықталған интеграл» және «Анықталмаған интеграл» тақырыптарына Венн диаграммасын құрастыру.
   
3. 
   А.Н.Колмогоров «Алгебра және анализ бастамалары» кітабынан №359, №360 есептерді шығару.