Қазақ халқының материалдық мәдениеті және қолданбалы қолөнері.
Сабақтың мақсаты
Сабақ барысында, сендер қазақ халқында дәстүрлі үй кәсіпшілік-терінің ішіндегі негізгісі киіз басу,тоқымашылық пен кестелеу өнерлері жақсы дамығандығын,шеберлер жасаған бұйымдардың ұрпақтан –ұрпаққа жетіп,отырғандығын анықтап салыстырып,қорытынды жасайсыңдар.
Сабақтың барысы:
Қысқаша конспект.
Балалар! Үй кәсіпшіліктерінің ішіндегі негізгісі киіз басу болды.Киіз үйдің сыртқы қабырғаларына арналған киіздерден басқа, ішкі жасау жабдықтарына арналған түрлі түсті киіздер де дайындаған. Негізгі шикізаты қой жүні. Текеметтерді ою түріндегі жүнді жаймалап немесе киізден кесіліп алынған оюларды басу әдісімен жасап,еденге төсеу үшін пайдаланылды. Сырмақ- қабырғаға ілетін немесе төсеуге арналған бұйым. Сырмақтар алуан түрлі оюлармен өрнектеледі,ақ киізге матаны тігу, киізге жіппен өрнектер салу тәсілдерімен жасалады. Қабырға кілемдері-тұскиіздер құрастыру,жапсыру және кестелеу тәсілдерімен жасалды.Қазақ әйелдерінің келесі бір кәсіпшілігі ши төсеніштер тоқу болды.Әйелдер тоқымашылық пен кестелеу әдістері арқылы киіз үйдің қажетті бұйымдарын,көрпелер мен әртүрлі үй бұйымдарын безендірді.
