Сабақтың тақырыбы: «Ормандағы аю»

«Ормандағы аю»

Балалардың сөзді байланыстырып, еркін сөйлей білу мүмкіндігін дамыту. Өздеріне сұрақ бере отырып, ой-өрісін дамытуға , сол арқылы олардың танымын молайтуға көмектесу, айналадағы өздерін қоршаған ортадан алған әсерін, табиғатқа деген сүйіспеншілігін кеңейту, жан-жануарларға деген сүйіспеншілік пен қызығушылықты дамыту.

Орманның суреті, онда мекен ететін аңның түрлері.

Сұрақ-жауап, сөз құрау, жұмбақ, мақал-мәтел, өтірік өлең, ВЕНН диаграммасы, СТО технологиясы

Армысың шапағатты Күн-Ана!

Армысың қайырымды Аспан-Ана!

Армысың мейірімді Жер-Ана!

Құт дарып, бар әлемді жарылқа!

Сабақтың жүрісі:

Балалардың есіне өткен сабақтарды түсіру.Балалар біздер көркем сабағынан түрлі ертегі, әңгіме, өлең, жұмбақтарды оқып жүрміз.Олай болса, сендер мұқият тыңдаңдар.Енді бүгінгі сабағымыздың атын сендерге айтпаймын. Түрлі сұрақтарға жауап беру арқылы сабақтың тақырыбын ашамыз.Алдымен балалар тақтаға көңіл аударайық.

Тәрбиеші:

-Балалар ненің суретін көріп тұрсыңдар?

-Балалар:

-Ормандағы ағаштарды.

Тәрбиеші:

-Олай болса, орманда қандай аң, құстар мекен етеді?

Балалар: -Қасқыр, қоян,,түлкі, жолбарыс, арыстан, тоқылдақ т,б аң-құстар орманда тіршілік етеді.Енді балалар, сендерге түрлі сұрақ бере отырып, орманда тағы қандай аң мекендейтінін анықтаймыз.Олай болса, мына стол үстінде жатқан түрлі пішііндегі сұрақтарды шешейік.

Тәрбиеші:

1-сұрақ:

-Мақал-мәтел білесіңдер ме?

Балалар:

-Білеміз

Оқы да біл.

2.Бірлігі жоқ ел тозады,

Бірлігі күшті ел озады.

3.Қына тасқа бітеді,

Білім басқа бітеді.

Тәрбиеші:

-Балалар, өте жақсы мақал-мәтел айттыңдар.Бұл алған пішіннің толық жауабын алдық.Олай болса орман ағашына қондырамын.Енді келесі сұраққа жауап берейік.

2-сұрақ:

-Өтірік өлең айтып беріңдер?

Балалар:

1.Алысқанын көрдім де,

Шегіртке мен аюдың.

Сол алысы он күнде

Бітпеген соң айырдым.

2.Кірпі кілем тоқыды,

Қоян кітап оқыды.

Арыстанның қолынан,

Нанын шіркей шоқыды.

Тәрбиеші:

Бұл сұраққа да жауап бердіңдер. Өте жақсы. Бұл пішінді де жапсырамыз.

3-сұрақ:

-«Мақта қызбен мысық», «Бауырсақ», «Түлкі мен ешкі», «Қасқыр мен түлкі»т,б.Бұл пішінді де жапсырамыз.

4-сұрақ: Жұмбақ шешу

1.Орманда жүр жануар.

Қолында тәтті балы бар. (Аю)

2.Сөзі дана,

Үні жоқ,

Сөйлемейді

Тілі жоқ

Қолыңа алсаң шешен,

Ақылы асқан көсем. (Кітап)

3.Сылдырдан қорқады,

Шошып ап жортады. (Қоян). Бұл пішінді де жапсырайық.

Тәрбиеші:

-Сонда қандай пішін пайда болды?

Балалар:

Орманда қандай аң мекен дейді екен. Аю. Онда аю мен қасқырды салыстырайық