16 желтоқсан Қазақстан Республикасының Тәуелсіздігі күнінің маңыздылығын түсіндіру. Өскелең жас ұрпақтың бойында патриоттық, білім мен өзін-өзі жетілдіруге деген құштарлық, беріктік, Отан тарихына, Тәуелсіз Қазақстанның бүгіні мен болашағына деген жауапкершілікті қалыптастыру. «Жас Ұлан» ұйымының қалыптасқан жұмыс жүйесін дамыту.
Міндеті:
Жауапкершілік пен еңбексүйгіштікті қалыптастыруға, көшбасшылық және ұйымдастырушылық қабілеттерін дамытуға бағытталған баланың жеке тұлғалық қасиеттерін дамыту.
Жүргізушілер:
Әріпхан Әлихан
Жұмажанова Дильназ
Қабылданатын оқушылар саны -98 оқушы (жас қыран)
Қатысатын оқушылар саны-17оқушы (жас ұлан)
Өтілетін орны:
3-қабат, фойе ҚР Мемлекеттік рәміздерімен безендіріледі.
«Жас Ұлан» ұйымының таңбасы баннерге бейнеленіп ілінеді, өтетін орынға салтанатты әуен ойнатылады.
Уақыты: 9 желтоқсан сағ 16-00 де
Шақырылатын қонақтар: мектеп әкімшілігі, ұстаздар, ата-аналар.
Қабылданатын оқушылар: 2А,2Б, 2В, 2Г.
Ашылуы-фанфары, жүргізушілер сөзі.
«Жас қыран» қатарына қабылданушы 98 оқушы шақырылады.
Ұланбасы сөзі жас ұлан ұйымының туы кіргізіледі.
ҚР Әнұраны орындалады.
Ұланбасы Нұрғали Ғазиздың сөзі.
6 . Сәлемдесу, 4Б сынып оқушылары шығады.
Аға-тәлімгерге рапорт тапсыру
«Жас Ұлан» ұйымына қабылданушылар ант береді.
Қонақтардың құттықтау сөзі және галстук төсбелгі тағу рәсімі.
10. Ұланбасы Нұрғали Ғазиздың сөзі.
11. Жас ұландықтардың арнауы 7А сынып оқушылары.
12. «Жас Ұлан» ұйымының әнұраны.
13. Салтанатты шараның жабылуы.
Түрі: жиын
Фонфары
Жүргізушілердің ортаға шығуы.
Алихан:
Армысыздар салтанатты жиынымыздың қонақтары және жас ұланшылар!
Дильназ:
Қайырлы күн ,қымбатты достар! Мектеп әкімшілігі! және ұстаздар!
«Біз тәуелсіз ел ұланы ,болашаққа үн қосқан» атты Республикалық бірыңғай «Жас Ұлан» балалар мен жасөспірімдер ұйымы қатарына қабылдау салтанатты жиынына қош келдіңіздер!
Алихан:
Тәуелсіздік-елдің ерен еңбегі,
Тәуелсіздік-барша ұлттың теңдігі.
Тәуелсіздік-байтақ елдің кеңдігі
Тәуелсіздік-еліміздің елдігі!
Дильназ:
Бүгінгі Қазақстан Республикасының Тәуелсіздігі күніне арналған, сондай-ақ жас азаматтарды еліміздің нағыз патриоттары, өзгерістерден қаймықпайтын, еңбекқұмар,білімге құштар, өзін-өзі жетілдіруге үнемі ұмтылатын, өршіл, қайсар етіп тәрбиелеуді, дәстүрімізді, ұлттық және жалпы адамзаттық құндылықтарымызды қастерлейтін рухани дүниесі кең тұлғаны қалыптастыруды көздейтін «Бірыңғай Жас Ұлан балалар мен жасөспірімдер ұйымы» Республикалық қоғамдық Бірлестігінің қатарына мектеп оқушыларын қабылдау рәсіміне арналған салтанатты жиынымызды ашық деп жариялаймыз!
Алихан:
Жасұлан-жігерлі де жайдарлы ұйым
Төл мерекең жыл сайын тойлайды ұйым!
Жаңғырып, жанданатын жылдан-жылға
Жасұлан-жалынды ұйым, айбарлы ұйым.
Дильназ:
Салтанатты жиынға қатысушылар! Бүгін мектебіміз үшін ерекше күн! Дәл бүгіндей «Жас Ұлан» бірыңғай балалар мен жасөспірімдер ұйымына қабылдануға арналған салтанатты шаралар республикамыздың түкпір-түкпірінде ұйымдастырылуда. Бүгін салтанатты түрде 2 сынып оқушыларын «Жас қыран» қатарына қабылдаймыз. Осындай атаулы күні мектеп оқушылары республикалық «Жас Ұлан» бірыңғай балалар мен жасөспірімдер ұйымына қабылдау салтанатты жиынына сап түзеді.
«Жас ұлан» ұйымы қанатын кеңге жаюда. Бүгінгі салтанатты жиында белсенді оқушыларымыздың қатары тағы бір мәрте көбеймек. Ұйым қатарына мектебіміздің 2 сынып оқушыларынан 98 оқушы қабылданады.
Ұланбасы Нұрғали Ғазиздіңсөзі:
Елдің болашағын баянды ететін жастар. Олар әрқашанда қоғаммен біте қайнасып әр бала өзін сан алуан қырынан танытады. Сонымен қатар өзіндік орнымен ерекшеленеді. Алайда осы жастарды бір арнаға тоғыстырар бұлақ көзі болу қажет. Осы бір күні сол арна біздің қоғамда бар. Ел тәуелсіздігінің 20 жылдығы қарсаңында Елбасының тікелей жолдауымен Республикалық бірыңғай «Жас Ұлан» балалар мен жасөспірімдер ұйымы құрылған болатын. Біз бақытты жастар осылайша тәуелсіз Қазақстанда тұрып жатқанымызға бақыттымыз. Осы бір айтулы мереке қарсаңында бірыңғай балалар мен жасөспірімдер ұйымының құрылуы біздің патриоттық сезімімізді арттыра түспек.
Дильназ:
Құрметті қонақтар бүгінгі елбасының тікелей бастамасымен құрылған «Жас Ұлан» балалар ұйымы халықтар арасындағы, балалар арасындағы шынайы достықты, ынтымақты нығайтуда атсалысуда. Ендеше өздеріңізбен сәлемдесу үшін алдарыңызға жас ұландарды шақырамын.
( ортаға 4А сынып оқушылары жас қырандар шығады)
Ғазиз сөзі: Жас Ұлан! Біздің ұранымыз:
«Уақыт босқа кетпесін, бірде-бір күн мейрімсіз өтпесін!»
Өмірді жақсатруға, мейірімділік жасауға, адамдарды бақытты етуге деген ұмтылыс. Бір-бірімізді тыңдап, түсіне білуді және бірге жұмыс жасауды үйренуге деген құштарлық, Білетінімізден артық білуге, қолымыздан келетін іс жасауға деген қажеттілік.
Топ басшылары бүгінгі «ЖасҰлан» балалар мен жасөспірімдер ұйымына қабылдау салтанатты жиынына дайындықтары туралы рапорт тапсыруға дайындал.
Рапорт мәтіні:
Аға тәлімгер 2А,2Б,2В,2Г сыныбының «Жас қыран» мүшелері бүгінгі Республикалық бірыңғай «Жас Ұлан» балалар мен жасөспірімдер ұйымына қабылдау салтанатты жиынына дайын!
Рапорт тапсырушы топ басшысы ____________________
Тәлімгер сөзі: рапорт қабылданды!
Барлық топ осылай рапорт тапсырып шығады.
Алихан:
Қымбатты қонақтар және «Жас қыран» мүшелері!
«Жас ұлан» ұйымына мүше болуға ынта білдірген оқушылардан салтанатты Ант қабылдау рәсімін бастаймыз!
Жас қыранның 1 мүшесі ант береді, қалғандары Ант етеміз, Ант етеміз, Ант етеміз 3 рет қайталайды.
Ұланбасы Ғазиз: Қабылдауға жас қырандар дайын!
Дильназ:
Құрметті салтанатты жиынға қатысушылар! Жас Ұлан ұйымына өтуге тілек білдіруші ұландарға галстук пен төсбелгі тағу құрметі және құттықтау сөз гимназия директоры Қуаныш Есқараұлына беріледі. Директордың орынбасарларына сөз беріледі.
Барлық қонақтар, ұстаздар, сынып жетекшілер сіздерді «Жас ұлан» ұйымына қабылданған оқушыларға галстук және төс белгілерін табыстау рәсіміне шақырамыз.
Алихан:
Ту тігілді халқымның бүгін бағына.
Жас өрендер желбіретіп нық ұста,
Ғасырларға жалғастырып елдікті.
Дақ түсірме ата-баба руғына,
Үлгі бізге аталардың ерлігі.
Ұлағатты өнегесі еңбегі,
Тәуелсіздік туын ұстап жоғары.
Бүгінгі ұрпақ болар елдің ертеңі,
Ұланбасы Ғазиз: «Жас қыран» ұйымының арнайы төс белгісін кеуделеріне алғаш болып тағушы ұландарымызды шын жүректен құттықтаймыз!
«Жас ұлан» ұйымының жаңа мүшелері өз бірлестіктеріңнің қатарына қосылсын!
Құрметті достар! «Жас ұландықтардың» басты мақсаты қажет нәрселердің бәрін үйрену, денсаулығы мықты және күшті болу, қиыншылыққа мойымауға тырысу. Біз Жас ұлан ұйымының мүшелері Республикамыздың өсіп өркендеуіне, көркейіп гүлденуіне ат салысып, үлес қосып, келе жатқан жастармыз!
Дильназ:
Барлық ұлтты бауырыңа басасың
Көкте туым желбіреген аса тым
Тарихымда өшпес дағы ізі бар.
Егеменді елім менің жасасын!
Алихан: Жас Ұлан!
Қатысушылар: Ел ертеңі!
Дильназ: Жас Ұлан!
Қатысушылар: Күн сәулесі!
Алихан: Жас Ұлан!
Қатысушылар: Жеңіс қанаты!
Ортаға жас ұландарымыз әдеби-монтажбен шығады.
Хормен:
Бір , екі – Жас Ұлан! Екі, үште- Жас қыран! Қанаттары талмасын, Биіктерге самғасын, Жас Ұланға сенде кел, Еш оқушы қалмасын. Жат қылықтан аулақ боп, Түзу бұрсын арнасын,
Жас Ұлан! Түзел! Тік тұр! Мемлекеттік туға қарап тіктел!
Ту шығарылады.
Дильназ:
Бүгінгі республикалық «Жас ұлан» ұйымына қабылдау салтанаты мектеп тарихында, ант қабылдаушылардың есінде мәңгі қалары анық. Тәуелсіздік туын қолда берік ұстау-баршамыздың абыройлы боршымыз. Тәуелсіздігіміз тұғырлы, егемендігіміз еңселі болсын.
Алихан:
Салтанатты жиынға қатысушылар, құрметті қонақтар, «Жас ұландықтар»! Патриоттық сезімге толы салтанатты жиынымыз өз мәресіне жетті, ендеше республикалық «Жас Ұлан» ұйымына қабылдау салтанатын жабық деп жариялаймыз!
