Ерінгүлділер тұқымдастарының ең көп таралған түрі – сәлбен (шалфей).
Сәлбен – балды өсімдік.
Сәлбенді халық «тіршілік шөбі» деп те атайды. Халықтық медицинада оның жапырағы ойық жараны емдеуге қолданылады.
Сәлбен қазіргі медицинада да дәрілік өсімдік болып саналады. Жұпарлық сәлбен – эфир майы өндірілетін өсімдік.
Жылтыр сәлбен, қызыл сәлбен, айқарылма сәлбен сәндік мақсатта қолданылады.
Гүл формуласы: Т(5)К(2+3)А 2Ж(2).
Сәлбен , шалфей (лат.Salvia) – ерінгүлділер тұқымдасына жататын көп жылдық шөптесін өсімдіктер, жартылай бұта. Маңғыстаудың таулы шатқалдарында өседі. Олардың биіктігі 20 – 100 см. Гүлдерінің түсі жабайы өсетін түрлерінде қою сиякөк, ал гүлзарлардағы түрлерінде ашық қызыл. Мамырдан қыркүйекке дейін гүлдеп, жеміс салады. Жемісі – жаңғақша. Сәлбен – хош иісті, дәрілік өсімдік. Одан алынатын эфир майы медицинада, парфюмерияда және тамақ өнеркәсібінде қолданылады.
Көкжалбыз – биіктігі 1м дейін жететін, жапырақтары ірі, сабағы тармақталған шөптектес өсімдік. Гүлдері төбе жапырақтарындың қолтығында масақ тәрізді топтасып өседі. Тостағаншасы үлпілдек түтікті, күлтесі – ақ немесе қызғылт түсті, ерін тәрізді. Аталығы-4. Жемісі – жаңғақша. Маусымнан тамызға дейін гүлдейді. Халық медицинасында тынысалу, асқорыту мүшелері талаураған кезде пайдаланады.
