Дәріс №6 Климаттық, су, жер ресурстарын тиімді пайдалану және қалпына келтіру

Өндірісті тиімді ұйымдастыру қажетті қлиматтық ресурстарды есептемей тұрып іске асыру мүмкін емес. Бұл ресурстарға жылу, ылғал, ауа сияқты климат ресурстары жатады.

Күн радиациясының құрылымы, жарық және ылғал мөлшері белгілі бір дәрежеде ауа жағдайына байланысты болады. Ауа құрамына тіршілік үшін қажетті оттегі. Азот және көміртегі диоксидтері сияқты газдар кіреді.

Адамзаттың шаруашылық әрекеті климаттық ресурстарға, соның ішінде ең алдымен атмосфераны ластай отырып, ауа құрамына әсер етеді. Өндіріс орындарының қарқынды жұмыс жасауы салдарынан ауаға көміртегі оксидінің, күкірт диоксидінің, азот оксидтерінің, бензопиреннің, ауыр металдардың, шаңның, әр түрлі құрамдағы аэрозольдердің көп мөлшері шығарылады.

Құнды су ресурстарына Жердегі су айналымына қатысатын өзендер, көлдер, суқоймалар, жер асты суларының беткі горизонттары жатады.

Су ресурстары таусылмайтын ресурстарға жататыны белгілі, ал гидросферадағы тұщы су қоры адамзаттың барлық мұқтаждықтарын қанағаттандыруға толықтай жетеді деп есептеледі. Алайда оларды орнымен тиімсіз пайдалану тұщы су тапшылығына әкеліп соқтыруы мүмкін.

Жер ресурстарына нақты шаруашылық мақсаттарға пайдаланылып жүрген және пайдалануңа жарамды жерлер жатады.