Кіріспе Курс сипаттамасы: «Түркітану» пәні – жоғары оқу орындарында соңғы кездерде оқытылып жүрген пән. Бұл курста түркі тілдерінің генетикалық, типологиялық, нормативтік ерекшеліктері, орфография және пунктуация мәселелері кеңінен қарастырылады.
Курстың мақсаты: Студенттерді түркі тілдері мен халықтарының зерттелу тарихынан, түркі тілдерінің топтастырылуы мен өзіндік ерекшеліктерінен, сондай-ақ түркі жазуы мен тіл мәдениеті тарихының кезеңдерінен мәлімет беру. Түркі тілдерінің фонетикалық, грамматикалық құрылымдарын білуге, ана тілінің шексіз мол мүмкіндіктері мен байлығын дұрыс пайдалана білуге дағдыландыру, әдемі әрі әуенді, үйлесімді әрі ұйқасымды сөйлеудің, жазудың үлкен өнер екенін көңілдеріне ұялату, ұғындыру
Курстың міндеті:Тілдің қыры мен сырын, қалыптасқан қағидаттарын жаттық түрде түсіндіру, тілдер арасындағы байланысты ғылыми негізде сараптау. Өзге түркі тілдес тілдердің дамуындағы өзгерістерді сатыланған, белгіленген негізде таныстыру.
Курс мазмұны: Түркі тілдерінің фонетикасы
Оқыту әдістемесі: Оқыту негізінен негізгі оқу материалдарын түсіндіретін және тәжірибелік дағдыларды қалыптастыратын теория-практикалық сабақтар түрінде өтеді. Студенттердің білімін тексеру ауызша және жазбаша байқау әдістері, тест жұмыстары және жеке семестрлік тапсырмалар мен үй жұмыстарын тексеру ретінде болады. Студенттердің білім кемшіліктерін жою үшін алдын-ала белгіленген кесте бойынша әр апта сайын кеңестер жүргізіледі.
Пререквизиттер: түркі тілдерінің фонетика, лексика, морфология, синтаксис салаларынан
мағлұматтары болулары керек.
Постреквизиттер: курс соңында студент қазақ тіл білімінің негізгі саласы түркітану туралы жалпы мағұлмат алып, түркітану ғылымының маңыздылығы мен ерекшелігі мәселелері жайында толық білім алады.