Гёте (1749-1832) драматургиясы
Гёте Франкфуртта, ауқатты отбасында дүниеге келді.
Гёте Страсбургте атақты «Гёц фон Берлихинген» (1773) атты алғашқы пьесасын жазды. Бұл бүкіл халық өміріне арналған немістің бірінші тарихи драмасы болды және ол жаңа әдебиеттің қалыптасуында үлкен роль атқарды. Пьесадағы тартыс отбасылық-тұрмысқа емес, әлеуметтік-саяси мәселелерді көтерді.
Гётенің кейін жазылған драмалық туындылары - «Клавихо» (1774, оқиғасы Бомаршенің «Мемуарларымен» байланысты), Джонатан Свифттін, өмірбаянынан алынған эпизодтарға негізделген «Стелла» трагедиясы( 1776) және «Сезімталдықтың салтанат құруы» (1777) атты комедиялық қалжыңы жазылды.
Гётенің «Фауст» пьесасын оның шығармашылығының белгілі бір кезеңіне жатқызу қиын. Гёте «Фаустқа» бүкіл өмірін арнаған. «Дауыл мен шабуыл» кезеңінде-ақ «Фаусты» жазу туралы ой келіп, 1790 жылы бірінші бөлімнен үзінді жарияланған уақытпен екінші бөлімнін (1832) аралығында қырық екі жыл өткен.
Достарыңызбен бөлісу: |
