Талқылауға арналған сұрақтар: Жасушалық ағзалар және олардың жіктелуі
Жасушалық емес ағзалар және оған мысал келтір
К.Линней ұсынған жүйе қалай аталады, мысал келтір
Өсімдіктер әлеміне сипаттама
Жануарлар әлеміне сипаттама
№ 13 семинар сабағы
Тақырыбы: Адам эволюциясының негізгі кезеңдері
Мақсаты: Адам эволюциясының негізгі кезеңдерін талдай отырып, оларды анықтау
Сабақтың жоспары: Адамның жануарлар дүниесіндегі жүйелік орны
Адам эволюциясының негізгі кезеңдері
Адамның даму тарихы
Сабақтың жүргізілуіне түсініктеме:
Адамның даму тарихы - күрделі және қарама- қайшы көзқарастармен сипатталады. Приматтар эволюциясы сүтқоректі жануарлардан басқа отрядтары сияқты, шамамен, бұдан 60 млн жыл бұрын басталған үштік кезеңде өтті. Үштік кезеңнің екекінші жартысында кең таралған жоғары сатыдағы маймылдардың қазбалық тобы - дриопитектер екі эволюциялық бағытқа: понгидтер мен гоминидтерге бастама берді. Понгидтер ұрпағы - гориллалар мен шимпанзелер қазіргі кезде де тіршілік етеді. Гоминидтерге қазіргі уақытта бір ғана түр - Саналы адам жатады. Адамның арғы тегі эволоция жолымен бірте-бірте қалай дамығанын зерделеу қиын: қазба қалдықтар өте аз және оладың өзі толық емес. Сондықтан гоминидтер эволюциясының әр түрлі нұсқалары бар.
Рамапитектер. Бірқатар ғалымдар бідің ғаламшарымызда 14 млн жыл бұрын гоминидтер тұқымдасына жатқызуға болатын маймылдар пайда болды деп болжайды. Олар Үндістан, Шығыс Еуропа, Ресей аумағында тіршілік еткен.
Аустралопитектер. Олардың көптеген қазба қалдықтары Оңтүстік және Шығыс Африка аумағынан табылған. Аустралопитектер ізашарларына қарағандаадамға едәуір дәрежеде көбірек ұқсас болған. Олар тік жүрген, беті жалпақтау, миының көлемі орташа 530 см3 болған.
