Семинар-тренинг «Жақсы әкесіз жақсы тәрбие болмайды»

«Жақсы әкесіз жақсы тәрбие болмайды»

Н.М.Карамзин

Мақсаты:ата-ананың бала тәрбиесіндегі қарым-қатынасы туралы түсініктер беру арқылы ата-аналардың білімін көтеруге көмектесу.

Семинар-тренинг бағдарламасы:

Психолог:

-Қайырлы күн ,құрметті әкелер! Бүгінгі кездесуіміз нәтижелі болады деген пікірдемін.

Тәрбиенің ең алғашқы бастамасын бала отбасынан алады. Бала әке өмірінің жалғасы. Баланың қоршаған ортаға көзқарасын туғызып, жақсы мен жаманды ажырата білуге тәрбиелеу әкенің міндеті. «Жақсы әке балаға өмірлік азық, жақсы ұл әулетке өмірлік қазық »-деген. Бала қанша білім алып, мектеп табалдырығын аттағанымен, оның өмірінің көп бөлігі ата-анасысының қасын да өтеді. Ал сіздердің ата-ана ретінде үш рет мектепке баратындарыңызды естең шығармаңыздар. Бірінші рет-өзіңіз, екінші рет-балаңыз, үшінші рет немереңіз барады. Ендеше бүгінгі отырған әкелерге әрдайым осы балаларыңыздың қорғаны болып, немере сүйіп мектепке келе беріңіздер демекпін.

Ұлы педагог В.А. Сухомлинский айтқандай: «Көптеген мамандықтар, кәсіптер бар: біреуі темір жолын салады, екіншісі үй салады, үшіншісі егін өсіреді, төртіншісі адам емдейді, бесіншісі киім тігеді... Бірақ ең универсалды, ең қиын және қайырымды жұмыс бар, бәріне ортақ әр жанұяда адамды қалыптастыру. Кез келген қызметкерді-күзетшіден министрге дейін немесе одан да қабілетті қызметкерге айырбастауға болады. Ал әкені сондай жақсы әкеге айырбастау мүмкін емес»

«Әке 1 сағат уақытынды сатып алайыңшы» видеролигін көрсету.

Бұған дәлел ретінде жаңа ғана залда жүрген балаларыңыз. Көңіл-күйлері көтеріңкі, «Мынау менің әкем қарашы, ал мынау менікі» деген сөздерді естідік.

1.Ұл бала мен қыз баланың мінез қасиеттері 6 жасқа дейін қалыптасады. Осы кезде әке қызға да, ұлға да жетекші рөлін атқарады. Жақсы әке әрқашан қызын мақтан тұту керек, «Қызым менің әдемі, қызым менің кімге ұқсаған» деген сөздер айтса, қызы өз сыртқы келбетіне қысымсыз қарайды. Әке бейнесі, әдеттегідей қыз өзін өмірлік жұбын іздестірген кезде қатты әсер етеді: Саналы, санасыз түрде таңдаған адамды әкесімен салыстырады, егерде ол бала бақытты жанұяда өссе. Мысалы:егерде әкесі жанұяда ақша тапса, сонда қыз бала өзін отбасын асырайтын жігітті іздейді. Ал ер бала біреулерге еліктеу арқылы қалыптасады.Ол өзіңе ұнамайтын адамнан ешқашанда үлгі алмайды. Суық мінезді әкелердің балалары көбінесе ұялшақ болады. Басқа ортамен араласқанда өзін ыңғайсыз сезінеді. Сондықтан олар аналарына жақын бола бастайды. Анасының қызығушылықтары мен мәнерлерін қабылдап алады.

Әке баласымен әрдайым сөйлесу керек. Сонда бала өзін ешкімге керек емес екендігін сезінеді.Тіпті қолы мүлдем босамайтын әкелер демалыс күнінің тең жартысын баласына арнау керек.

Сұрақтар:

1. 
   Балаңыздың туған күні?
   
2. 
   Сынып жетекшісінің толық аты-жөні?
   
3. 
   Балаңыз қандай өлшемді аяқ киім киеді?
   
4. 
   Балаңыздың парталас көршісі кім?
   
5. 
   Кеше сабақтан қандай баға алды?
   
6. 
   Балаңыздың сүйікті асы қандай?
   
7. 
   Балаңыз қандай түсті жақсы көреді?
   
8. 
   Балаңыз 1-сыныпқа қай жылы барды?
   
9. 
   Балаңызға қандай еркелететін сөздер айтасыз?
   
10. 
    Балаңыз сізді ренжіткенде қандай сөз бірінші ауызыңызға түседі?
    
11. 
    Балаңыздың арманы?
    
12. 
    Балаңызға жаңа жылда не сыйлайсыз?
    

1. 
   Бір күні балаңыз таяқ жеп келді. Сіздің әрекетіңіз қандай?
   
2. 
   Кейбір ата-аналардың баласының әрбір істеген іс -әрекетіне көңілі толмайды: «Сен істей алмайсың, қолынан түк келмейді»- әрекетіне қалай қарайсыз?
   
3. 
   Балаңыз сабақтан «екілік» бағасын алып, үйге жылап кірді. Сіздің әрекетіңіз қандай?
   

Көзімізді жұмамыз, айналамыз тып-тыныш, ыңғайланып отырып алыңыз. Сіз өте жайлы , тып-тыныш, сіз тек менің дауысымды естіп тұрсыз. Сіз келе жатырсыз, алдыңызда орман, көз алдыңызға елестетіңізші, яғни қалың орман ба, әлде сирек орман ба, оны өзіңіз таңдайсыз...

Сіз келе жатырсыз, келе жатырсыз, келе жатырсыз, алдыңызда жол бар, сіз сол жолмен келе жатырсыз, сол жол кең бе, әлді тар ма, оны өзіңіз таңдайсыз.

Келе жатырсыз, алдыңызда әмиян жатыр, ол әмиянды аласыз ба, аламайсыз ба, оны өзіңіз білесіз.

Келе жатырсыз , алдыңызда үлкен қақпа тұр. Ол қақпадан секіріп өтесіз бе, әлде ашып кіресіз бе немесе айналып өтесіз бе, оны өзіңіз білесіз. Ол қақпадан секіріп өтесіз бе әлде қашып өтесіз бе, оны да өзіңіз шешіңіз.

Сіз әлі келе жатырсыз алдыңызда үлкен үй тұр. Ол үйге кірдіңіз бе әлде айналып өттіңіз бе, өзіңіз біліңіз.

Келе жатырсыз алыстан бір үйір жылқы көресіз. Сол жылқыға жақындап барасыз ба әлде айналып өтіп кетесіз бе, өзіңіз шешіңіз

Енді алдыңыздан өзен көресіз, ол өзен жай толқынмен ағып жатыр ма, әлде шулап тасып жатыр ма , оны да өзіңіз таңдайсыз.

Қорытынды:

Орман ол сіздің проблемаңыз, яғни алда кездесетін орман сирек болса, сіздің проблемаларыңыз да сирек, одан тез өтесіз. Егер қалың орман таңдасаңыз, проблемаларын қиын, оны шешуге қиналып жүрсіз.

Жол-кең жол ол сіздің кеңдігіңіз, ашық мінезіңіз,қолыңыздағын аямай беруге дайын адамсыз. Тар жол- ол сіздің тарлығыңыз.

Әмиян-ол сіздің ақшаңыз, сіз әмиянды алсаңыз алдағы уақытта сіздің ақшаңыз көп болады. Егерде алмасаңыз қаржы жағынан қысыласыз.

Қақпа- қиындықтан өтуіңіз. Қақпаны ашсаңыз- кез- келген қиындықтан жай өтесіз. Бірақ төзімдісіз. Ал секіріп өтсеңіз- қиыншылықтан қиналмайсыз, күліп-ойнап жүретін адамдар қатарына жатасыз. Егерде айналып өтсеңіз- қиыншылықтан үнемі қашып жүресіз.

Үй – ол өзіңіздің жанұяңыз, үйге кіру сол үйдің қамын ойлаушысыз, кірмеу- үй шаруасына жоқ адамсыз.

Жылқы – аттың қасына жақындасаңыз , сіз бақытты адамсыз, айналып өтсеңіз, өмірге қанағат етпей жүрсіз.

Өзен- ол сіздің мінезіңіз. Жай болса-мінезіңіз жайлы, шулап, тасып жатса сіздің мінезіңіздің қаттылығы деп білесіз.