Беркінбаева Кәмшат 2 «в» сыныбы Алма ағашы Жұмахан атасын алма ағашының көлеңкесіне ертіп келді. Атасы қолымен ағашты ұстады. Бұтаны сипап, әлденені айтқандай болды. Жұмахан құлағын тосты. Атасы өлең оқып тұр. Жамбыл Жабаевтың өлеңі. Бұл алма ағашын Жамбыл ата өз қолымен отырғызыпты.
Алімжанов Сабина 2«в» сыныбы Біздің туған жер қандай әдемі және бай. Біздің өзендерде сазан, алабұға, шортан, ақбалық тағы да басқа балық түрлері бар. Шалқар судың айдынында кербез аққулар да бар. Қаз, үйрек, қасқалдақ басқа да су құстары бар. Ұлан байтақ қазақ даласында киік, таутеке, арқар, аю, барыс, қасқыр, түлкі тағы басқа жабайы аңдар қоныс етеді. Бүркіт, сұңқар, қаршыға, тұйғын сынды құстар да кездеседі. Қырдың әнші құсы бозторғай да бар. Туған жеріміздің мәңгі қар басқан зеңгір тау да, көкпеңбек орман-тоғай да баршылық. Туған жердің күн нұры қандай керемет. Туған жерден ыстық, қадірлі, қымбат ештеңе жоқ.
