Оқушыларға бүгінгі сабақтың тақырыбы мен мақсаты айтылып өтіледі.
Әрбір адам әрқашан сыпайы қарым - қатынаста болуы тиіс. Ізеттілік сақтап ең бірінші сәлемдесу керек. Сыпайылық амандасудан, кішіге қамқор болудан басталады.
Тапсырмамен жұмыс Мәтінді оқы.
- Бүгін құстар патшалығына барып едім. «Сен тым дөрекісің. Саған сыпайылық жетіспейді. Ормандағы құстардан сыпайылықты үйрен» - деп бүркіт мені патшалықтан шығарып жіберді, - деді қарға құстарға мұңын шалып.
Құстар қарғаны жұбатып, сыпайылық туралы өз білгендерін жарыса айтты.
Пингвин:
Сыпайы болу деген - жұрттың алдында өзіңді мәдениетті ұстап, байыпты сөйлеу.Мысалы, мен сияқты.
Шымшық:
Ал менің ойымша, жүзінен нұр тамған, бір сөзді екі етпейтін, иіліп тұратын, үлкеннің алдын кесіп өтпейтіндерді сыпайы дейді.
Көгершін:
Сыпайылық? Әдепті әдеттер, жағымды қылықтар.Үлкен - кішіге құрметпен қарап, сыйла. Оларға автобуста орын бер.
Жапалақ:
Сыпайылық деген - сиқырлы сөздер. «Кешір», «рақмет», «өтінемін» деген сөздерді айта білсең сен сыпайысың.
Бұлбұл:
Ең бастысы ашық жарқын бол, ылғи да күлімсіреп жүр, көңілді бол. Барлығымен амандас.
Түйеқұс:
Жылаған баланы жұбатсаң, әжелердің ауыр сөмкесің көтеріссең, қайырымдылық жасасаң - ол да сыпайылықтың белгісі.
Құстардың қайсысының жауабы саған ұнады?
Ал өзің қарғаға қандай кеңес берер едің?
Сергіту сәті «Айгөлек» әніне билеу.
Әңгімені оқы.
«Кешірім»
*Қалай ойлайсың, адамға деген қарым - қатынасты түзеуге бола ма?
