Күкірт қышқылының сынамасын іріктеу және дайындау МС 2184-77 «Техникалық күкірт қышқылы» сәйкес жасалады.
Цистернаны толтыру бойынша (күнқағардан 10 см төмен) КҚЦ аппаратшысы КҚЦ ТТБ бақылаушысының қатысуымен қышқыл деңгейін өлшейді: цистернаның осьтік желісі бойынша екі нүктеде метр-што түсіріледі. Күкірт қышқылының сынамасы тот баспайтын болаттан жасалған, қышқылға төзімді болат тізбектеріндегі сынама алғыштың көмегімен, оны цистернаға түбіне дейін баяу батыру жолымен алынады. Сынау алдында сынама алғыш сыналатын қышқылмен шайылады. Күкірт қышқылының сынамалары әрбір цистернадан алынады. Көлемі 500 мл-ден 700 мл-ге дейінгі сынамалар таза құрғақ шыны бөтелкелерге құйылады және сынап термометрімен қышқыл температурасы анықталады. Содан кейін бөтелкелер резеңке тығындармен жабылады. Іріктелген сынамалар моногидраттың (H2SO4) концентрациясын анықтау үшін КҚЦ цех зертханасына апарылады.
Әрбір цистернадан өлшегіш стаканның көмегімен топтамадағы цистерналардың санына байланысты топтамалық сынама жасалады. Өлшеуіш стаканда топтамалық сынама шыны таяқшамен мұқият араластырылады және жалпы массадан 450 мл көлемінде сынама алынады, ол таза құрғақ шыны бөтелкеге құйылады және герметикалық түрде жабылады. Шөлмек өнімнің атауы, сынама алу күні мен ауысымын, топтама нөмірін көрсете отырып заттаңбамен жабдықталады және МС 2184-77 «техникалық күкірт қышқылы» талабы бойынша толық химиялық құрамын анықтау үшін орталық химиялық зертханаға (бұдан әрі-ОХЗ) тапсырылады. Сынаманың қалған бөлігі бір ай ішінде дубликат ретінде сақталады.
Құю биіктігі, цистернадағы калибрлеу белгісінің нөмірі, қышқыл тығыздығы бойынша қышқылдың салмағы "қышқыл салмағын анықтау"кестесі бойынша анықталады.
