Сынып оқушыларының дамуын тәрбиелеудегі ата – ананың атқаратын ролі

Баланы отбасында және мектепке дейінгі мекемелерде тәрбиелеу ортақ мақсат-міндеттерге негізделеді, ол — баланың ақыл-ойын дамыту, адамгершілік қасиеттерге баулу, көркемдік талғамын қалыптастыру, сондай-ақ денсаулығын нығайта отырып, ең негізгісі болашақта мектепке даярлау болып табылады.

Тәрбиеші отбасына бармас бұрын ата-анаға қандай сұрақ қояды, не жөнінде кеңес береді, нені ұсынады, соны өзі анық білуі тиісті. Бұл тәрбиешіге ең қажетті, маңызды мәселелерге зер салуға, отбасындағы тәрбиенің өзіндік ерекшеліктерін ата - аналармен жұмыс жүргізудің кең тараған түрі және ең тиімдісі — әңгіме, кеңес өткізу. Мұндай әңгіме ата-ананың өз баласы жайлы білгісі келген сұрағынан туып кетуі де, сондай-ақ тәрбиешінің жоспарлаумен де өрбуі мүмкін. Егер тәрбиеші баланың кейбір келеңсіз істері жөнінде айтар болса, ата-анамен бірге оны талдай отырып, баланың бұл ісіне не әсер етіп жүргенін анықтау нәтижесінде бұдан былай оны бол-дырмау жолдарын ақылдасқан жөн.

Ата-аналармен өткізілетін әңгіме, кеңес тақырыптарының ауқымы кең. Мысалы: «Балаларды мәдени мінез-құлық дағдылары мен әдеттеріне тәрбиелеу» ,«Тілалғыштыққа тәрбиелеу туралы», «Демалыс күнді қалай ұйымдастыруға болады?», «Ұқыптылық жөнінде», «Қандай кітаптар оқып беруге болады?», «Ұялшақтықты қойдыру жөнінде», «Баланы үйде мектепке даярлау үшін не істеу керек?», «Қиқарлық қайдан шығады?», «Бала тәрбиесіндегі әкенің рөлі», «Жалғыз баланы тәрбиелеу туралы не білу керек?», «Баланы сыйлау деген не?» т.т.

Ата-аналар жиналысын өткізу жалпы отбасымен жүргізілетін жұмыстардың ішіндегі жиі қолданылатын және кең тараған ұжымдық формасының бірі, мұнда ата-аналар педагогикалық және ұйымдастыру мәселелерімен жүйелі таныстырады, Мысалы: «Балабақша мен отбасы тәрбиесі міндеттері мен мақсаттары — біртұтас», «Ата-аналар комитетін сайлау», «Балабақша жұмысының мазмұны», «Меңгерушінің есебі» т.б. Ата-аналар жиналысында ұйымдастыру ісін талқылаумен қатар, күн тәртібіндегі басты орын балалар тәрбиесіне бөлінуге тиіс.

Жалпы жиналыста ата-аналар бала-бақшаның барлық қызметкерлерімен кездеседі, өзара танысады. Кейбір ата-аналарды жиналыстарда сөз сөйлеуге тарту артық емес. Мысалы: ата-ана дәрігер болса, оған баланың гигиенасы туралы, мектеп, жасына дейінгі баланың денесінің даму ерекшеліктері, бала ауруының алдын алу жөнінде айтқызуға болады, осының нәтижесінде ортақ іске қызығушылық арта түспесе, кемімейді.