Геоэкология – бұл географияның бір бөлімі, ол жоғары иерархиялық деңгейдегі (физикогеографиялық зоналарды, провинцияларды, ландшафтарды) географиялық (табиғи-жасанды) жүйелердің экологиялық ерекшеліктерін зерттейді.
Геоэкология экологиялық заңдар мен заңдылықтар негізінде табиғи және табиғиантропогендік жоғары иерхиялық геожүйелердің шеңберінде ланшафт зоналары, физикалық, географиялық аймақтар, облыстар, провинцияларды қорғау мақсатында құрылған ғылыми кешенді топ.
Геоэкологиялық зерттеулердің мақсаты қоршаған ортаның табиғи және антропогендік геожүйелер шекарасындағы кеңістіктік экологиялық фонын зерттеу болып табылады. Бұл ретте Геоэкология үшін басым болып мыналар табылады: жоғары биологиялық өнімділік пен геоожүйелердің тұрақтылығын сақтау, табиғи-антропогендік ландшафтар шеңберінде қоршаған ортаның экологиялық тұрақсыздану көріністерін болдырмау. Осы мақсаттарды іске асыру әртүрлі өнеркәсіптік кәсіпорындарды белгілі бір геожүйелерде орналастыру шарттары мен мүмкіндіктерін олардың адамның тіршілік ету ортасымен ықтимал экологиялық үйлесімділігі тұрғысынан жан-жақты экологиялық бағалау қажеттілігін болжайды.
