Сочинение или фотографию по теме «Казахстан, армия, патриотизм»

Тарихы оның тым әріден басталған.

Бодандықтан құтқарам деп елімді,

Талай боздақ қара жерді жастанған.

Н.Ә. Назарбаев

Жоспар

1. 
   Кіріспе
   

2. 
   Негізгі бөлім
   

3. 
   Қорытынды
   

2.Болашақтағы қарулы күштер қорғанысы

Тәуелсіздік! Қасиетті де, құдіретті осы ұғымның тереңіне зер салып, ой жіберейік. «Тәуелсіздік» атты бұл тәтті сөздің тұңғиығында ата-бабамыздың ғасырлар бойғы асыл арманы, азаттық жолында құрбан болған талай-талай боздақтардың ұрпаққа қалдырған аманаты жатыр. Ұлы даланың жас перзенті – қалың қазақтың азаттық мұратындағы қасиетті күрестері, тағдыр талайымы алға тартқан талай тар жол, тайғақ кешулері жатыр. Жаңа ғасырмен бірге келген ел тәуелсіздігінің жиырма жылдығы азаттық ұранын ұрпағына ұлағат еткен бабалар үрдісінің жалғасы...

Иә, көк туымыз желбіреп, тәуелсіздігіміз салтанат құрғанына да жиырма жыл. Тарих үшін қас-қағым сәт, азаттық аңсаған Алаш баласы үшін ғасырдан қымбат, мың жылға айырбасталмас жиырма жыл! Тәуелсіздік алып келген жетістіктер де, оң өзгерістер де мол. Тәуелсіздіктің ең басты жетістігі - еркіндік! Еліміздің еркін өміріндегі бүгінгі табыстарының бәрі де тәуелсіздіктің нәтижесі.

Тәуелсіздік - ғасырларға созылған ата- баба қанды жорығының, дабылды-дауылды күресінің заңды жалғасы, жатса түсінен, тұрса есінен бір сәт кетпеген бабалардың ғасырлық арманы еді ол.

Иә, Қазақстан –Тәуелсіз ел! Тәуелсіздіктің туымен бірге Қазақстанның тамыры терең тартып, жапырағы жайқала бастады. Тәуелсіздік арқасында Қазақстанның асыл арманы асқақ әнге айналады.

Қазіргі тәуелсіз Қазақстанымызды қорғайтын қарулы күштер қатарына тоқтала кетсек, КСРО таратылғаннан кейін 1991 жылы Қазақстан Республикасының аумағында оңтүстік-шығыс шекараларды қорғауға тиісті құрамында 200 мыңдай адамы бар әскери топтар қалды. Оның негізгі күштерін стратегиялық ядролық күштердің құрамалары, армияның жалпы әскери дивизиялары, ауа қорғанысына қарсы корпустар мен әскери-әуе күштерінің аралас авиациялық корпусы, сондай –ақ, тыл мен техникалық қамтамасыз ету құрамалары мен бөлімдері құрады. Осы әскери күштерді басқару үшін ел Президентінің Жарлығымен қауіпсіздік кеңесі ұйымдастырылып, кейінірек ол Қазақстан Республикасының Қорғаныс министрлігі болып қайта құрылды.

1992 жылдың 7 мамыры күні Қазақстан Республикасының Қарулы күштерін құру туралы Жарлыққа қол қойылды. Бұл күн егеменді Қазақстан армиясының туған күні болып саналады. Қазақстанда екі жүз мыңнан астам әскерлер қызмет етеді. Олар стратегиялық қарулардан басқа танкілермен, бронетранспорттармен, артиллериялық жүйелер және әскери ұшақтармен қаруланған. 1992 жылдың 22 қыркүйегінде « Қазақстан Республикасының қорғанысы және қарулы күштері» туралы Заң, ал 1993 жылдың 19 қаңтарында «Жалпыға бірдей әскери міндеттер және әскери қызмет туралы» Заң қабылданды.

Қазақстан Республикасының қорғанысы және қарулы күштерінің жоғарғы Бас қолбасшысы - Елбасы Н.Ә. Назарбаев. Оның еліміз бен халқымыз алдында сіңірген еңбегі орасан зор.

Тәуелсіздік –азаттықтың алтын діңгегі, ұлттық өршудің ұлы күші. Тәуелсіз елдің ұлы –өжет, қызы – қайратты, халқы –қаһарман. Ұлттық тілдің, салт –сананың мызғымас тірегі - тәуелсіздік!

Егер өткен тарихтан сыр ақтарар болсақ, бұл даланың тауы күрсініп, тасы қақ айырылып қалар еді. Өткенімізді түгендеп, болашаққа көз жібере отырып:

Түршігерлік тарих жолы өтіп кетті,

Болашақтың ертеңі үшін түрткі етті,

Әр қадамың талпынған егеменге

Ерлік пен рух берер әр күн бізге! –

деп мақтанышпен жүрегімнен шыққан жыр жолдарын жеткізгім келеді.
Біз Қазақстан егеменді еліміздің болашағымыз. Әрқашан да Отанымызды қорғауға дайын болып тұрамыз. Қазақстан – тәуелсіз мемлекетімізді қорғау үшін біз тайсалмаймыз. Отанды қорғау- біздің парызымыз.

Болашақта қарулы күштер қатары Қазақстан мемлекетімізді қорғау үшін дамуы керек. Қандай жағдай болса да қазақ халқы тойтарыс бере алатындай дәрежеде болуы керек. Сол үшін әр қазақстандық өз үлесін қосады деген ойдамын.

Біздер де аға ұрпақтай өз қолтаңбамызды қалдыруға ұмтылайық. Өйткені, адам уақытпен бірге адымдайды, уақытпен бірге өмір сүреді.

Тәуелсіздігіміздің айғағындай елдігіміздің белгісіндей, алтын күндегі Елтаңбамызды, желбіреген Көк байрағымызды көргенде, Әнұранымызды естігенде, бойымызды ерекше бір асқақ азаматтық сезім баурайды. Бұны көру де, сезіну де бір бақыт, маңдайға біткен бақ емес пе?!

2012 жылы Қазақстан әскерінің құрылғанына 20 жыл толғалы отыр.

Осы мерекеге орай қазақстандық әскердің өмірін үлгі тұта отырып, іргесі берік, отаншыл, рухы мықты жастар қатарының көбеюіне тілектестігімді білдіре отырып:

Ал қазір сол ерлікті бар ел білген

Тар жол, тайғақ кешуден тайсалмаған

Сені ұлықтап, қазағым, мақтан етем!

-деп, шығармамды аяқтағым келеді.

Ахматнуров Ринат, 11 класс,

школы-лицея № 14 города Абая,

учитель Бутримова Н. А.
Каждый человек слова «армия» и «патриотизм» воспринимает своеобразно. Я хочу раскрыть свое понимание этих двух слов.

Если окунуться в прошлое, то станет видно, что военное дело зародилось в глубокой древности. Уже в 1000 году до нашей эры жители древних городов Ближнего Востока и Египта стали обносить их крепостными валами и стенами. Из истории известно, что в битве у Фермопил в 480 году до нашей эры греки отступили за стену, выстроенную поперек Коринфского перешейка. Мандрокл навел мост через Босфор, по которому персидский царь Дарий перевел свое войско в Малую Скифию.

На территорию нынешнего Казахстана военное искусство пришло чуть позднее. Первыми племенными союзами на нашей территории были Саки, Уйсуни, Канглы. Именно они и начали развивать военное дело.

Как мы уже убедились, военное дело испокон веков считалось одним из основных видов деятельности. Каждое государство имело свою армию, служащую для защиты Родины, для захвата территорий, для порядка внутри страны. По-моему, главным оружием любой армии является дисциплина. Недаром великие государства, такие как Рим, государство Чингисхана, Македония славились своей дисциплиной в ряду войск. Не стоит сбрасывать со счетов такое немаловажное «оружие» солдата, как боевой дух и патриотизм.

На мой взгляд, казахские воины были самыми ярыми патриотами своей Родины. Никто так, как они, не любил свои земли, бескрайние ковыльные степи и вольные просторы. Об этом мы узнаем, читая великие произведения казахского поэта и батыра Махамбета Утемисова, который с огромной любовью и восхищением не только описывал красоту родных земель, но и сам был участником восстания 1836-1838 годов. Он в паре с Исатаем Таймановым возглавил это национально-освободительное движение, направленное против колонизации казахских земель царским правительством.
Как был ты вынослив, могуч и тверд,

В борьбе беспощадной настойчив и горд!

Орел мой, твой голос вольный гремел,

Бесстрашен ты был, упорен и смел.

Что же ждет нашу армию в будущем? Я надеюсь, что в будущем армия значительно изменится в лучшую сторону, но при условии, что каждый гражданин в первую очередь задумается о будущем страны, что молодые ребята сознательно, с глубоким чувством ответственности и большим желанием будут служить на благо своего отечества, не боясь за свою жизнь и спокойно неся караульную службу на боевом посту; зная, что за их нелегкий солдатский труд они будут получать достойную зарплату и в дальнейшем на «гражданке» будут иметь хорошую перспективу устроиться на престижную работу. Я призываю молодежь взобраться на гору и доказать всему миру, что мы выше всех, что Казахстан - это великая страна! Каждому человеку нужно меняться изнутри, исправляя свое сознание и отношение к воинской службе. Недаром Шарль де Голль когда-то сказал: «Все победы начинаются с побед над самим собой».

И вновь я хочу вернуться к понятию «патриотизм». Патриотизм — это нравственный и политический принцип, социальное чувство, содержанием которого является любовь к отечеству и готовность подчинить его интересам свои частные интересы. Патриотизм предполагает гордость достижениями и культурой своей родины, готовность подчинить свои интересы интересам страны, стремление защищать интересы родины и своего народа. Недавно в интернете я нашел интересную фразу Муаммара Аль-Каддафи: «Я никогда не оставлю ливийскую землю, буду биться до последней капли крови и умру здесь со своими праотцами как мученик». Надо отдать должное ему: он не пошел на сделку со своими западными противниками и до конца воевал за право Ливии самой распоряжаться своими природными ресурсами. Причем, воевал на своей территории.

Мне кажется, что многие научные формулировки патриотизма неверны, а патриотизм это всего-навсего убеждение в том, что твоя страна лучшая из лучших лишь потому, что ты в ней рожден. Это так все выглядит с одной стороны. А все мы знаем, что у любой медали есть и вторая сторона. Можно и критиковать патриотизм. Чем больше превозносим мы отечество, тем больше ненавидим человечество. Все патриоты презирают другие государства, и это может перерасти в серьезный конфликт между странами.

Можно предположить, что патриотизм - это первое звено трех существующих: патриотизм, национализм, фашизм. Не каждый патриот - фашист, но каждый фашист – патриот. Но все-таки давайте остановимся на первом варианте понятия патриотизма, он более приятен. И я надеюсь, что у этой медали в будущем будет только одна сторона. Прекрасные слова о патриотизме сказал Джон Кеннеди: «Не спрашивай, что твоя родина может сделать для тебя. Спроси, что ты можешь сделать для своей родины». Именно этому я как начинающий поэт хочу посвятить поэтические строки:
Что такое Патриот?

Что же может значить это?

Может это небосвод

Или просто город где-то?

Вам скажу, мои друзья,

Патриот и ты, и я,

Патриоты все мы вместе,

Говорю я вам без лести.

Наши степи и пустыни,

Наши горы и равнины,

Все в округе так чудесно,

Так прекрасно, так прелестно!

Любим мы наш Казахстан,

Чтоб всю жизнь он процветал!

Чтоб природа сохранилась

В том же виде, как родилась.

Казахстан ты наш родной,

Как парнишка молодой.

Появился ты на свет

Двадцать от роду-то лет.

Расцветаешь день за днем!

И парящим ты орлом

Ввысь стремишься к небесам!

Своему величию, диву дался сам.

Родина! Ты – мать! Радуешь меня!

Что же тут сказать? Патриот, наверно, я!

№ 18 жалпы орта білім беретін мектеп –

Қазақстан Республикасы Қарулы Күштерінде қызмет ету – еліміздегі әр азаматтың қасиетті міндеті, отанымызды қорғаудағы қасиетті борышыңды өтеу.

Ұлттық қауіпсіздікті қамтамасыз ету, әрбір тәуелсіз мемлекеттің, соның ішінде Қазақстанның да басты мақсаты. Ұлттық тәуелсіздік – бұл Қазақстанның аумақтық тұтастығын сақтай отырып, тәуелсіз мемлекет ретінде дамуының кепілдігі.

Қазақстан армиясында біздің републикамыздағы барлық ұлттар мен ұлыстардың өкілдері қызмет етеді. Мұнда олар жауынгерлік достық пен әскери туысқандықтың өзіндік мектебінен өтеді. Республиканың Қарулы Күштері – Қазақстан аумағында тұрған бұрынғы одақтық армия құрамалары мен бөлімдерінің базасында құрылған. Оларда аса мол тәжірибе жинақталған, белгілі бір адамгершілік нормалары, армия өмірінің ережелері мен салттары қалыптасқан.

Қазақстан әскері - жастар үшін халқымыздың ежелден келе жатқан жауынгерлік салт – дәстүрлерін жалғастырушы қазақстандық патриотизмнің жарқын мектебі болуы тиіс.

Жауынгерлік ар-намыс пен абырой, әскери антқа, жауынгерлік дәстүрге адалдық кездейсоқ қалыптасқан жоқ. Ол адамда ел өмірінің көріністерімен , өткізілетін кешенді тәрбие жұмыстарымен, армия өмірі арқылы тәрбиеленеді. Қарулы Күштердің ұрысқа дайындық деңгейі мен Қазақстан Республикасының қорғаныс қабілеті, көбіне, әскери қызметшінің өзінің жауынгерлік шеберлігін жетілдіруіне, идеялық көзқарасы мен саяси санасын көтеруіне, әскери тәртіп пен жарғылық тәртіпті нығайтуына байланысты болады.

Отанды қорғауды біздің елімізге шабуыл жасаған сыртқы жаулармен қарулы күрес деп қана түсінбеу керек. Біз Отанымыздың күш-қуатын нығайта отырып, оны бейбіт уақытта да қорғауға ат салысамыз.


Дайнова Ұлболсын,

«Екібастұз қаласы әкімдігінің білім бөлімінің

№13 жалпы орта білім беретін мектебі»

Әркімге туған жері қымбат! Адам үшін туған жерден артық еш нәрсе жоқ.

Туған жер ұғымы – кең ұғым. Қазақ халқында туған жер мен туған ел, Отан деген түсініктер бір-бірінен бөлінбейтін ұғымдар. Біздің халқымызда кіндік кескен жер, өңір, өлке – атамекен ұғымына кіреді. Біз үшін атамекен, туған жер – құдіретті, қасиетті нәрселер. Осы туған жеріміздің жер көлемі де ұлан-байтақ.

Туған жер үшін, Отан үшін, еліміздің тұғырын бекітіп, тәуелсіздік алу үшін батырлар найзаның ұшымен, білектің күшімен елді қорғап, ақылгөй даналар, шешен-билер ел бірлігін сақтап, елеулі еңбек еткен.

Біздің ұлан-байтақ жерімізге көзін алартқан жаулар көп болған. Солардың бірі – жоңғарлар. Қазақ халқының тарихында өте бір ауыр кезең Жоңғар қалмақтарының қазақ жерін басып алу мақсатымен жасаған шабуылы еді. Ол кезең тарихта «Ақтабан шұбырынды, алқакөл сұлама» деген атпен белгілі. Сол шапқыншылар тегеурінінен еліміздің қорғанына көптеген тарихи тұлғалар, батырлар, өздерінің бар күш-жігерін салып, ерлік көрсетіп, тіпті жанын беріп, жерімізді шапқыншылардан қорғай білген.

Мәселен, үш жүздің басын біріктірген даңқты хан, қолбасшы, дарынды дипломат Абылай ханның төңірегінде Қабанбай, Бөгенбай, Наурызбай, батыр Баян сынды батырлар, Бұқар жырау сияқты ақылгөй, даналар сол кездің өзінде ұрыс жүргізу шеберліктерін жақсы, жан-жақты меңгерген тұлғалар екенін тарихтан білеміз.

Тарихта «Аңырақай» шайқасы деген атпен қалған шайқаста еліміздің ерен батырлары жеңіске жетті. Бұл тұлғалар – еліміздің нағыз патриот тұлғалары болған.

«Патриотизм» ұғымы біздің сөздік қорымызға Қазан төңкерісінен кейін енген. Патриотизмнің негізгі мағынасы әр азаматтың ұлтын, Отанын сүюінен басталады.

«Қазақтың отансүйгіштігі ежелден қалыптасқан. Оған біздің ауыз әдебиетінің бір саласы мақал-мәтелдеріміз, би шешендердің толғаулары дәлел. Мысалы: «Туған елдей ел болмас, туған жердей жер болмас», «Туған жерге туың тік». Мақал-мәтелдердің өзі қазақтың елін, жерін, Отанын сүюінің, патриоттық тұлғаны қалыптастырудың негізі болып табылады.

Би-шешендердің сөздерінде де, мысалы: Майқы би былай деген:

Бірлік түбі – береке,

Береке түбі –мереке,

Ақ білектің күшімен

Ақ найзаның ұшымен,

Ел болуды ойлаңдар

Осы сөздердің өзінде де елді, жерді сүюдің негізі жатыр.

Тарихымыздағы ел қорғаған азаматтарымыздың істеген ерліктері бүгінгі қазақстандық патриотизмге негіз бола алады.

Еліміздегі ең бір жарқын, елеулі, маңызды белестердің бірі – тәуелсіздік. Қазақ елі Алаш туын көтеріп, азаттыққа жол ашқан, тәуелсіздік шыңына шыққан дербес ел болды. Бостандықтың белгісіндей Әнұраны, Елтаңбасы мен Туы туған ел көгінде қанатын кең жайып тұр.

Тәуелсіз елдің өзіндік қарулы күші, өзінің әскері бар. Қазақстан Республикасы Қарулы Күштерінің Жоғарғы Бас қолбасшысы – Нұрсұлтан Әбішұлы Назарбаев. Еліміздің әскері қазақ жастарын патриоттық тұрғыда елін, жерін қорғауға дәріптейді, тәрбиелейді. Әрбір ер азаматтың алдындағы міндет, бұл - әскери борышты өтеу. Әскери борышты өтеу арқылы, біз ата-бабаларымыздың салған дара жолын, Отанымызды қорғауды жалғастырамыз.

Елбасы әскери күштерге жауынгерлік туды тапсырғанда өз міндеттерін орындауда ар-намысына дақ түсірмей, әскери ұжымның ерліктеріне, даңқы мен әскери дәстүріне берік болу керектігін атап айтқан.

Патриоттық сезім көп ұғымдар бойынша әскер қатарында қалыптасады деп ойлайды, бірақ елін, жерін сүю, оны қорғау, дәріптеу әскерден тыс та қалыптасады.

Тәуелсіз еліміздің атақты саңлақтары, соның ішінде спортшылар, әнші, күйші, бишілер, мемлекет қайраткерлері тағы басқалары да елін сүйген патриоттар. Олар шет елдерде жүрсе жүректері еліміз деп соғады, олардың жетістіктеріне баршамыз қуанып, еліміздің нағыз патриоттары деп мақтанамыз. Әсіресе, жеңімпаз ретінде еліміздің Әнұраны ойнаған кезде тебіренбейтін, мақтан тұтпайтын адам жоқ шығар.

Бүгінгі Егемен Қазақстанның жағдайында патриотизм, ұлтаралық татулық жаңа мағынаға ие болып отыр. Себебі, Қазақстанды Отаным деп білетін әрбір Қазақстан азаматы Қазақстанды сүйіп, соның азаматы болу, Қазақстанды қорғау, Қазақстанның дамуына, өркендеуіне өз үлесін қосуға міндетті.

Біздің патриотизмнің белсенді, қарымды қыры адамдардың өз Отанының игілігіне, мемлекетті нығайтуға бағытталған іс-әрекетінен көрінеді.

Сондықтан да қазақстандық патриотизм Отанды қорғау, нығайту және гүлдендіру жолында онымен ажырамас тұтастығын саналы түрде ұғынатын тұлғаның руханилығы, азаматтығы.

Дурмуханбетова Нуршат, 11класс,

Жезқазған қаласы, № 8 гимназиясы
...Қазақстан армиясы әрқашанда күшті,

кәсіби деңгейі жоғары болуы керек

Н. Назарбаев
Жиырма жылдық белес
«Алтыннан ардақты, күмістен салмақты, аса қадірлі көретін әке-апа, алыстағы Алмания жерінен сәлем! …» деп басталатын хаттардың мазмұны бүгінгі күнде бірталай өзгерген: «...таңертеңгілік дене шынықтырудан кейін жуынып-шайынып алып, таңғы асқа барамыз. Одан кейін сапқа тұру дайындығы, оқу-жаттығу жұмыстары өтеді. Түскі тамақтан кейін тағы да жаттығу жұмыстарына, тәрбие жұмыстарына, спорттық-көпшілік жұмыстарға қатысамыз. Өзіндік білім алудан кейін кешкі серуенге шығып келіп, дем аламыз...» Бұл хат жолдарынан сарбаздың бір күнгі өмірін көрсек, келесі хат жолдарынан қазіргі кездегі Отан қорғаушы сарбаздарға жасалып жатқан жағдайларды көре аламыз: «...Бүгін хат алдым. Әскерилердің жазылмаған заңы бойынша хатты алу үшін билеуім керек, бағынбауға болмайды. Көршім «караван» алды. Бұл- бандероль деген сөз... Келесі аптада ант қабылдау рәсімі өтеді. Келіп, қатысуға болады. Келетін ата-аналар мен туыстары үшін арнайы орындар қарастырылған. Сол күні, анттан кейін туыстарымен бірге болуға да рұқсат етіледі...»

КСРО тұсындағы әскери жағдай да бүгінгі күнде келмеске кетті. Ол уақытта кеңестік армия өз елінің сыртында Чехословакия, Германия, Венгрия сияқты социалистік елдерде де орналастырылатын. Кеңес өкіметінің солақай саясаты негізінде әскерге алынған азаматтар кім үшін, нені қорғауға бара жатқаны жайында хабарсыз болды. Мұның дәлелі ретінде 1979-1989 жылдардағы Ауған соғысы, қазірге дейін жалғасып жатқан 1986-1989 жылдардағы Қазақстанға мүлдем қатысы жоқ таулы Карабах жеріндегі Армения мен Әзербайжан халықтарының арасындағы жер үшін болған соғысты айтуға болады. Өз жері үшін емес, өзге елдің абыройын өздері білмей қорғаған қаншама боздақ осындай ешкімге керегі жоқ соғыстардың құрбаны болды, мүгедек болып оралғандары қаншама... Бұлардың қатарында Қазақстандық бауырларымыз, оның ішінде өзімнің жерлес әке-ағаларым да бар.

Украина жерінде болған Чернобыль апатынан кейін қайта қалпына келтіру жұмыстарына мыңдаған азамат жіберіліп, олар радиация зардабын осы күнге дейін тартуда.

Қазіргі кезде, еліміз егемендігін алған уақытта жағдай басқаша. Дегенмен мұның бәрі оңайлықпен келген жоқ. Сол бір қиын-қыстау кезеңдегі жас Қазақстан әскерінің жағдайы мәз емес еді. Жаңа құрылған мемлекетте әскери кадрлардың, техниканың жетіспеуі орын алды. Бірақ осындай қиыншылықтарға қарамастан, Қазақстан әскерін нығайту үшін барлық мүмкін іс-шаралар қолданылды. Кеңес әскерінен қалған қолда бар техниканы пайдаланып, әскери кадрлармен қамтамасыз ету қолға алынды.

Соның бір мысалы ретінде отбасымыздың досы – офицер әкеміз жайында сөз қозғауға болады. 1992 жылы Кеңес өкіметінің тұсында әскери қызметте болып, запасқа шыққан Сергей Николаевич Князьев Қарсақбай қалашығында азаматтық қызмет атқарып жатқан жерінен әскери қызметке шақырылды. Сергей Николаевич Ресей мемлекетінде әскери академияда білім алған, бірнеше жыл әскери қызметте болған. Осындай кадрлар жан-жақтан шақырылып, Қазақстан Республикасы әскери күштерін нығайтуға күш салынды. Өмірлік жолын Отанына арнаған азамат бүгінгі күні зейнеткерлікке шығып, ұлы Николай әкесінің жолын жалғастыруда. Ұлты қазақ болмаса да, қазақ елінің нығаюына үлесін қосты. Бұл да қазақстандық патриотизмнің бір көрінісі екені сөзсіз.

Қазақстан тәуелсіздік алған жиырма жыл ішінде әскери сала да қарқынмен дамыды. Көптеген оқу орындары, әскери кафедралар ашылып, өз мамандарымызды даярлауға қол жеткізілген болатын. Қазіргі таңда әскери кафедралардың түлектері Қазақстан Республикасы Қарулы Күштерінің бөлімше командирлері және мемлекетіміздің қорғаныс қабілетін күшейтуде жүктелген жауапты тапсырмаларды абыроймен орындауда.

Мыңдаған студенттер әскери кафедра қабырғасында салмақты әскери мамандықты игеруде және Қазақстан армиясының офицерлік кадрлар қатарын толтыруға дайын. Бұлардың қатарында ағам Тұрсынов Саид Қалмұханбетұлын мысалға алуыма болады. Саид Қарағанды мемлекеттік техникалық университетінің әскери кафедрасының дайындық кезеңінен өтіп, лейтенант шенін алғаннан кейін Қазақстан әскері қатарында кіші офицерлер құрамында екі жыл қызмет етіп, аға лейтенант шенімен елге оралды. Қазақстанның әрбір осындай азаматы елін-жерін қорғауға, еліміздің тыныштығы мен тәуелсіздігін сақтауға кез-келген уақытта дайын. Осындай азаматтардың әрқайсысын отаншыл, патроиот деп білемін. Отанын қорғауға дайын, қиындықтан қашпайтын жігерлі жастарды ел құрметтейді, сыйлайды. Өкінішке орай, арамызда әлі де болса әскер қатарына барудан қашатындар да баршылық.

Қорғаныс министрлігінің мәліметі бойынша қазіргі таңда әскер қатарында қызмет етушілердің 65 пайызы келісімшартпен, ал қалған 35 пайызы міндетті әскери қызметте. Таяу болашақта бұл көрсеткіш сақталып, кейін 80% : 20% қатынасын құрайды деген болжам бар.

Биылғы жыл – ел тарихы үшін айтулы жыл. Мемлекет басшысы Нұрсұлтан Әбішұлы Назарбаев әлемге айдай танытқан еліміз тәуелсіздігін алған жиырма жыл ішінде үлкен даму жолынан өтті. Ата заңымыз қабылданып, ұлттық теңгеміз енгізілді. Тәуелсіздіктің қорғаны – Қазақстан қарулы күштері құрылып, барлық көрші мемлекеттермен шекарамыз бекітілді. Елбасымыз осы орайда Қазақстанның тәуелсіздігінің басты белгілері – өз теңгесі мен әскері екенін де айтқан болатын. Соның ішінде егемендіктің тірегі деп Қазақстан армиясын, ішкі және сыртқы қорғаныс жүйесін ерекшелеп айтқаны да бар. Республика Қарулы Күштерінің Бас Қолбасшысы Нұрсұлтан Назарбаев тәуелсіз елдің қорғаныс саласының қалыптасуына тікелей басшылық етіп, замана талаптарына сай жоғары сапада жетілдіру мәселесін басты назарда ұстап келетінін осы сөздерінен-ақ көре аламыз.

Ұлтаралық татулыққа негізделген саясаттың арқасында көпұлтты қазақстандықтардың арасында береке-бірлік орнады. Елордамыз Астанаға көшіріліп, қазақ даласының төрінде, Сарыарқа жерінде жаңа қала бой көтерді. Осы жетістіктеріміздің барлығын сақтап қалуда және қорғауда Қазақстан Қарулы күштерінің маңызы зор. Егемендігімізге жиырма жыл толғанда, Қазақстан Республикасының Қарулы Күштері бүгінде бұрынғы кеңес өкіметі елдері қатарының ең үздік үштігіне кіріп отыр. Және, сөзсіз, Орта Азияда қарулы күштер саласында жетекшілік етеді. Ресей эксперттері Қазақстан әскеріне оның болашақтағы дамуын айта отыра осындай баға беріп отыр.

Ресей газеттерінің біреуінің бетіне шыққан мақала авторлары Қазақстан Республикасының Қарулы Күштерінің министрі Әділбек Жақсыбековтың еліміздегі әскери дайындықтың қуаттылығының артуы туралы куәлік етуіне сүйенеді. Министрдің айтуы бойынша, Қазақстан әскерінің жетістіктері жылдан-жылға артып келеді.

Осы фактілердің барлығы – Қазақстанның жеке мемлекет ретінде өсуі, өркендеуі, дамуы, төрткүл дүниеге танылуы.

Орталық Азия аймағындағы қауіптің пайда болуы салдарынан елімізде де қауіпсіздік шаралары жүргізілуде. Аталмыш шараларды іске асыру мақсатында Қазақстанда соғыстар мен қарулы жанжалдарды болдырмау үшін Қарулы Күштер мен әскери құрылымдарда алдын алу жұмыстары жүріп жатыр. Дегенмен, осындай қатерлі оқиғаларға қарсы дайындықтың барлығы әрқашанда зая болып, бұл қарулы күштердің қуаты мен айбынын тек бейбіт мақсаттар мен мерекелік әскери шерулерде көруге жазсын деп тілеймін!