Инвазия салдары ішек қабырғасының бұлшық етті қабатының гипертрофиясы, крипталар тереңдігінің азаюы, ішек құрамының химиялық қасиетінің өзгеруі, асқазан менішектің моторлы қызметінің бұзылысына әкеледі.
Аскаридалар трипсин мен хемотрипсин ингибиторларын бөліп, қоректік заттар, ақуыз, майлардың сіңірілуін бұзады.
Аскаридоздың ішектік кезеңінің симптоматикасы - жүрек айну, құсу, іш өту, тәбеттің төмендеуі, шаршағыштық,бас айналу, ұйқының бұзылысы мен іштің ауырсынуы.
Аскаридоздың ішектік кезеңінің асқынулары: жетілген аскаридалардың топтасуынан-ішек өтімсіздігі, аскаридалардың ішек қабырғасын тесіп немесе реперациялық тігіс арқылы іш қуысына түсуі салдарынан-перитонит, механикалық сарғаю-құрттардың жалпы өт жолына түсуі, ұйқы без жолдарының бітелуі, асфиксия аскаридалардың жоғарғы тыныс жолдарына түсу салдарынан.
