Шымкент 2018
Газдардағы тасымалдау құбылысы Осы уақытқа дейін біз тепе-теңдік күйде түрған газды қарастырып келдік. Мұндай күй газдың алып тұрған көлемінің барлық нүктесінде температура , қысым, әр түрлі сорттағы молекулалардың салыстырмалы саны және т.б. сияқты шамалардың бірдей болатындығымен сипатталады. Енді біз газ тепе-тең күйден ауытқыған кездегі құбылыстарды қарастырамыз, сонымен қатар, осы ауытқулардың аса үлкен болмаған жағдайымен шектелеміз. Яғни тепе-теңдік күйден ауытқыған құбылыстар тасымалдау құбылысы деп аталады. Біз осы құбылыстардың тек үшеуін ішкі үйкеліс немесе тұтқырлықты, жылу өткізгіштікті және диффузияны ғана қарастырамыз.
