Спасем океан

Материкке қатысты жағдайына қарай теңіздер ішкі және шеткі теңіздер болып бөлінеді. Материкке іштері еніп жататын теңіздерді ішкі теңіздер деп атайды (Қара теңіз, Жерорта теңізі, Каспий теңізі). Материктердің шетінде орналасқан теңіздерді шеткі теңіздер деп атайды. Оған Беринг, Қар теңіздері жатады.

Құрлық суы және өзендер

Жер қыртысында кездесетін су жерасты суы деп аталады. Жер бетіндегі су мен жауын-шашын сулары іркіліп, жерасты суларын құрайды.Сулар су өткізгіш жыныстардан өтіп, су өткізбейтін қабатқа тұтылады. Сөйтіп, сулы қабатқа айналады. Сулы қабаттағы су ылдиға қарай ағады, жер бетіне ағып шыққан орындарын қайнар (бұлақ) деп атайды.Ерігіш жыныстар жатқан жерлерді су ерітеді де, одан үңгірлер пайда болады: Солтүстік Америкада (Мамонт), Оралда (Кунгур).Жерасты суы әрқашан жер бетіне ағып шыға бермейді. Сондықтан оны пайдалану үшін әдетте құдық қазады. Құдықтың тереңдігі сулы қабаттың қандай тереңдікте орналасуына .Минералға қаныққан суды минералды су дейміз.

Өзен дегеніміз - көлден, мұздықтардан, жер астынан шығатын судан, жылғалардан оймақ арқылы ағатын су ағыны. Өзеннің басталатын жері - оның бастауы. Өзен ағатын аңғар түбін арна, ал бастауға жақын жағын жоғарғы ағыс, одан кейінгісін орта ағыс, ал оның сағасындағы суды төменгі ағыс дейді. Өзеннің теңізге, көлге немесе басқа өзенге құятын жері саға деп аталады. Негізгі өзен барлық салалармен қоса өзен жүйесін құрайды. Бетіндегі судың бәрі бір өзенге келіп қосылатын құрлық ауданы өзен алабы деп аталады.