Оттегі, кейде оттек (лат. oxygenium – қышқылды тудыратын; O) — элементтердің периодты жүйесінің VI-тобындағы химиялық элемент. Реттік нөмірі 8, атом массасы 15,999. Оттегі –химияның ең маңызды элементі және Жер бетіндегі көптеген тірі ағзалардың тыныс алуын қамтамасыз етеді. Оттегісіз біз бірнеше минут қана өмір сүре аламыз.
Парниктік газдар — инфрақызыл диапазондағы радиацияны сіңіріп, қайта тарататын атмосферадағы кез-келген газ. Ол осылайша Жер беті мен атмосфераны жылыта түседі. Жер атмосферасындағы ең маңызды парниктік газдарға көміртек диоксиді, метан және су буы жатады.
Инертті газдар деп химиялық реакцияларда белсенділігі төмен - гелий, неон, аргон, криптон, ксенон және радон газдарын атайды. Бұларды кейде асыл газдар деп те атайды. Екеуін де жаттап алыңыз.
Осы газдардың түсі де, иісі де жоқ. Инертті газдар Жердің атмосферасында бар. Инертті сөзінің мағынасы - икемсіз, пассивті.
Достарыңызбен бөлісу: |
