Қаңылтыр немесе металл ыдыстар Металл ыдыстарды өндіру үшін темір, алюминий және олардың қорытпалары қолданылады. Қаңылтыр консерві банкаларын дайындауда 2 түрлі балқыту әдісі қолданылады: суық және электролиттік. Металл ыдыстардың артықшылықтары: жеңіл; берік; термотұрақты; транспорт шығынды азайтады; өндіруге және тұтынуға қолайлы; сынбайды, санитарлық өңдеу оңай (ыстық сумен жуып, бумен булайды).
Кемшілігі: ішіндегі өнім көрінбейді; коррозияға ұшырауы мүмкін; бір рет қана қолданылады.
Консервілеуде екі жағынан жұқа қорғасын қабатымен қапталған, қалыңдығы 0,2 - 0,3 мм ақ түсті қаңылтыр материал жиі қолданылады, коррозияға түспес үшін оның ішкі бөлігін лактейді. Өндіру әдісі бойынша қаңылтыр ыдыстарды жинақталған цилиндрлік, сопақша және эллипс формалы деп бөледі. Ең кең тарағаны жинақталған цилиндр банкалар.
