Микроб және олардың токсиндерінің тіс жегі қуысындағы дентин арналары, қабырға тесіктерінен,не пародонт қалтасы,қан және лимфа ағымы арқылы түбір ұшынан жұқпаның ұлпаға өтуінен, ұлпа қабынуы келіп шығады.Сонымен бірге ұлпа қабынуна механикалық, физикалық,химиялық жарақаттар да себепші болады. Механикалық зақымданулар жедел және созылмалы болып бөлінеді. Жедел зақымдану бір мезгілде алынған жарақаттар,тіс сауытының сынып ұлпа ашылуы,сауыт түгел сынып түсіп,ұлпасының ашылуы,не соққы кезінде қан тамыр,жүйке тамыр, лимфа тамырлар шоғырының үзілуінен болады. Ал созылмалы механикалық зақымданудан мысал ауыз қуысына түрлі заттарды салып тістеу ,жіпті тістеп үзу, пісте және жаңғақты тіспен шағу сияқты зиянды әдеттерден, не протездер мен пломба дұрыс салынбағанда ,ол биік болып тіске салмақ түсіруден келіп шығады.
