Тақырыбы:«Таным» білім беру саласы Қазақстан республикасы білім және ғылым министрлігі

ерте жастағы топта (1 жастан 2 жасқа дейін)

• балалардың танымдық қабілеттерін дамыту, ой – өрісін кеңейту, инновациялық әдістер мен технологияларды қолдана отырып, интеллектуалдық қабілеттерін, логикалық ойлауын дамыту және қоршаған ортаның біртұтастығы туралы білімдерін, математикалық, конструктивтік ойлау дағдыларын танымдық қызығушылықтары мен қиялын қалыптастыру болып табылады.

Міндеттері:

- қоршаған орта құбылыстары, қоғамдық өмір және мамандықтар туралы ұғымдарды қалыптастыру;

- тілін және ойлауын , сөздікті белсенділендіру, дыбыстың дұрыс айтылуын дамыту;

- қарапайым құрылыстарды құрастыра білуге үйрету;

- қоршаған ортаны сақтау және оған жанашырлық қарым-қатынасты сіңіру.

• Ересектердің еңбегіне қызығушылығын дамыту. Еңбек және жекелеген еңбек әрекеттері туралы ұғымдарын қалыптастыру.
• Заттардың қасиеттері мен кеңістік ортаны бағдарлау негізінде танымдық-практикалық дербестігін («Мен өзім») және көру-қозғалыс үйлесімділігін қалыптастыру.
• Өзі және жақын адамдарының туыстық байланыстары, жасы туралы жалпы ұғымдарын қалыптастыру.
• Баланың заттарды, объектілерді және айналасындағы құбылыстарды зерттеу қызығушылығын ояту. Балаларды заттардың түсі, көлемі, олардың орналасуын ажыратуға; адамдар мен жануарлардың қимылдарына еліктеуге үйрету.
• Балаларды үй тұрмысына қажетті заттарды бағдарлауға: заттарды және олардың қасиетін – қарапайым түрдегі пішінін, құрылысын, ашық түсін, көлемін танып, атауға үйрету. Заттардың бөлшектерінің атауларын (орындықтың аяғы, арқалығы, отырғышы) кейбір қасиеттерін (түсі, көлемі, пішіні), заттардың қолданылуын білу.

• Өсімдіктер әлемі. Сыртқы түріне, түсіне, дәміне, атауы бойынша тану және танысу.
• Ағаштарды (1-2 түрі), шөпті, гүлді атау және ажырату, алаңдағы гүлдердің, шөптердің түстерін атай білуді қалыптастыру.

• Үй жануарлары мен оның төлдерін, аңдарды, құстарды атап, ажырату және оларға тән ерекшеліктерін атап көрсету.

• Табиғат құбылыстарына қызығушылығы мен зейінділігін арттыру.
• Тұрмыстағы, табиғаттағы судың қасиеттері туралы білімдерін қалыптастыру.
• Ауа райындағы және табиғаттағы өзгерістерді ажырату біліктерін қалыптастыру.

• Зат-құралдарын қолдану дағдыларын жетілдіру, біркелкі заттарды сенсорлық белгілері бойынша топтастыруға, ауызша нұсқау мен үлгіге сүйене отырып, тапсырмаларды орындауға үйрету.
• Қол мен саусақ ұштарының қимылдарын және «көз – қол» сенсомоторлық кеңістіктік үйлесімділігін дамыту.

• - көлемі, пішіні, түсі бойынша ерекшеленетін біркелкі заттарды және түрлі көлемдегі геометриялық пішіндерді топтастыруға үйрету;
• - сенсорлық қасиеттерді анықтау және салыстыру: негізгі түстен, түрлі көлемдегі геометриялық пішіндерді, қасиеттері жағынан ұқсас және әртүрлі заттарды.

• Құрылыс материалдарынан және ірі құрылыс бөлшектерінен құрастыру
• Құрылыс үлгілерін қарап, оның бөліктерін атап көрсетуге, қандай бөлшектерден құралғанын анықтауға, үйдің, машинаның, жиһаздардың құрылысының жетіспейтін бөліктерін таба білу біліктерін қалыптастыру.

• - әртүрлі түстегі және пішіндегі геометриялық пішіндерден тұратын ағаш, пластмасса құрылыс материалдары туралы;
• - үстел үстінде орналасқан материалдармен (кубиктер, кірпіштер), олардың әр түрлі пішіндерімен, көлемімен және жайпақ үстел бетінде орналасуымен (кірпіш жатыр, тұр) және тұрысына байланысты әртүрлі орналасуы туралы;
• - кірпіштерді көлденеңінен орналастыруға, кірпіштерді бірінің үстіне бірін қоюға (мұнара), текшелерді кірпіштермен қатар қою туралы;
• - кірпіштерді түрліше орналастыра отырып (қақпа, үй) құрастыру. Балаларға бөлшектерді түзу сызық бойына орналастыру және кеңістік белгілерін ескере отырып, біріктіру туралы дағдыларын қалыптастыру.