Сегменттеудің кеңтаралған критерийлері

Сегменттеудің кеңтаралған критерийлері

• 1. сегменттің сандық параметрлері. Олардың қатарына сегмент сыйымдылығы, яғни қанша өнім және қандай жалпы құнмен сатылуы мүмкін, әлеуетті тұтынушылардың қанша саны бар, осылар жатады. Осы параметрлерден шығара отырып, фирма аталмыш сегментке қандай өндірс­тік қуатты бағдарлау керек, өткізу нүктелерінің қуаты қан­дай екенін анықтай алады;
• 2. фирма үшін сегментке кіру мүмкіндігі (доступность). Яғни фирманың тарату және өткізу арналарын, өнімдерді жеткізу және сақтау, транспорттау мүмкіндіктері. Фирма, өз өнімдерін өткізу каналдарының саны жеткілікті ме (делдалдар немесе өзінің өткізу нүктелері), бұл каналдар­дың қуаты қандай, өндірілген өнімдердің барлық көлемін өткізуге олар қабілетті ме, осыны анықтауы тиіс;
• 3.сегменттің түбегейлілігі. Яғни бұл қандай да бір тұтынушылар топтарын нарық сегменті ретінде бағалауға негізгі біріктіруші белгілері бойынша оның қаншалықты тұрақты болатындығын анықтау. Мұндай жағдайда фирма басшылығының алдында, аталмыш нарық сегменті азаюшы немесе өсуші ме, оған қуатты бағдарлауға бола ма, оны басқа нарық профиліне ауыстыру керек пе, осыларды анықтап алу міндеті тұрады;
• 4. пайдалылық. Аталмыш критерий негізінде бөлінген нарық сегментіндегі жұмыс, фирма үшін қаншалықты рентабельді болатындығы анықталады (пайда нормалары, акцияға дивидендтер мөлшері және т.б. анықталады);
• 5. сегменттің негізгі бәсекелестермен нарықта сыйым­дылығы. Фирма басшылығы, негізгі бәсекелестер, таң­далған нарық сегментіне шығуға қандай дәрежеде дайын, аталмыш фирма өнімдерінің алға жылжуы олардың мүдде­лерін қаншалықты қозғайды деген сұрақтарға жауап алуға тиісті. (аталмыш сегментте беку үшін қосымша шығын­дарға дайын болу жоспарланады);
• 6. таңдалған сегменттегі жұмыстың тиімділігі. Инженер­лік, өндіріс және өткізу қызметкерлерінің осы сегментте фирмалардың өнімдерін тиімді жылжытуға және бәсеке­лестік күреске олардың қаншалықты дайын екен­дігін зерт­теледі;