Нарықты сегменттеудің қандай да бір бірегей әдісі жоқ. Нарық қызметкері, түрлі параметрлер негізінде бір немесе бірнеше сегменттеу нұсқауларын сынамадан өткізіп, сегменттеу кезіндегі неғұрлым қолайлы принципті іздестіріп табу керек.
Географиялық принцип бойынша сегменттеу: Географиялық принцип бойынша сегменттеу нарықты түрлі географиялық бірліктерге: мемлекет, штаттар, аймақтар, округтер, қалалар, қауымдастықтарға бөліп көрсетуді болжайды.
Демографиялық принцип бойынша сегменттеу: Демографиялық принцип бойынша сегменттеу, мысалы, жас мөлшері, отбасының мөлшері, өмірлік кезең сатылары, кірістер деңгейі, айналысатын істері, білім, діни сенімі, нәсілі мен ұлты сияқты демографиялық нарықты топтарға бөлшектеуден тұрады.
Психографиялық принциптер бойынша сегменттеу: Психографиялық сегменттеу кезінде сатып алушыларды қоғамдық тапқа, өмір салтына немесе жеке бас мінезіне жатушылық белгілері бойынша топтарға бөледі.
1. Қоғамдық тап. АҚШ–та шартты түрде қоғам алты қоғамдық таптарға бөлінеді. Солардың біреуіне жатуы адамның автомобильдерге, киімдерге, шаруашылық керек–жарақтарына, бос уақытын өткізуге, оның оқырмандық әдеттеріне, бөлшек сауда нүктелерін таңдауында айырмашылығымен көрінеді. Көптеген фирмалар өзінің тауарлары немесе қызметтерін нақты қоғамдық тап өкілдеріне есептей отырып жобалайды.
2. Өмір салты. Өмір салты қандай да бір тауарларға деген адамдардың қызығушылығына өзінің әсерін тигізеді. Маркалық және қарапайым тауарлардың сатушылары жиі түрде тұтынушылардың өмір салтының белгілері бойынша нарықты сегменттейді.
3. Жеке бас үлгісі (тип личности). Өндірушілер өз тауарларына тұтынушылардың жеке басының мінездеріне сәйкес келетін, жеке бас сипаттамаларын береді. Жетекші жарнама агенттігі зерттеушілер қызметінің бірінің директоры Шерли Янг, әйелдер косметикасы, шылымдары, сақтандыру және спирттік ішімдіктер сияқты тауарлардың стандарттарына (категорияларына) қолдануға келетін аудитория сипаттарының өзгешелік белгілері негізінде нақты табысты сегменттеудің тиімді әдісін ойлап тапты.
Өзін - өзі ұстау принципі бойынша сегменттеу. Мінез– құлықтың ерекшеліктері негізінде сегменттеу кезінде сатып алушыларды олардың білімдері, қатынастары, тауарды пайдалану сипаты және осы тауарларға кері әсеріне қатысты топтарға бөледі. Нарықтың қызметкерлері мінез–құлық өзгермелігі нарық сегментін құру үшін, маңызды деп санайды.
