Информатика ғылымының негізгі мәселелері, зерттеу объектісі

Адамның өзінің іс-әрекетінде ақпарат жиымдарын пайдалануы жылдан жылға көбейіп 

келеді. Мысалы, егер 1940 жылдан 1950 жылға дейін ақпарат көлемі, шамамен 10 жылда 

екі есе көбейсе, қазіргі кезде осындай екі еселену 1-2 жылда болады. Ақпаратпен  жұмыс 

істегенде, оны сақтаудың, жіберудің, іздеудің, өңдеудің қолайлы  және тиімді түрлерімен 

байланысты  көптеген  мәселелерді  шешуге  тура  келеді.  Бұдан  басқа,  ақпараттың 

құрылымын анықтаумен байланысты мәселелер де кездеседі. Сондай-ақ ақпараттың жалпы 

қасиеттерін  зерттеу  керек.  Мұның  бәрімен  информатика  деп  аталатын  жаңа  ғылым 

шұғылданады.  

Информатика  -  ақпарат  алу,  жіберу,  өңдау,  сақтау,  ұсыну  процестерін  зерттеумен, 

қоғам өмірінің барлық саласында ақпараттық техника мен технология жасау, ендіру және 

тиімді  пайдалану  мәселелерін  шешумен  шұғылданатын  ғылыми-техникалық  іс-әрекет 

саласы, ғылыми-техникалық прогрестің басты бағыттарының бірі.  

Информатика – есептеу техникасы құралдарының көмегімен мәліметтерді қабылдау, 

құру, сақтау, түрлендіру, өңдеу және жеткізу тәсілдерін жүйеге келтіретін жаңа техникалық 

ғылыми пән.   

Информатика: 

-  Ақпарат  жинау,  сақтау,  жіберу,  өңдеу  және  беру  әдістері  мен  құралдарын  

зерттеумен байланысты – техникалық; 

- Ақпараттың мәнін  сипаттау тәсілін анықтайтын, оның сипаттау тілдерін зертейтін – 

семантикалық; 

- Ақпаратты кодтау әдістерін сипаттайтын - прагматикалық; 

-  Ғылыми-ақпараттық  іс-әрекеттің  кейбір  түрлерін,  оның  ішінде  индекстеуді, 

автоматты  реферлеуді,  машиналық  аударманы  формальдау  және  автоматтандыру 

мәселелерін шешумен байланысты синтактикалық мәселелер топтарын зерттейді.  

Информатиканың  негізгі  мәселесі  –  есептеу  техникасының  аппараттық  және 

программалық құралдармен жұмыс істеу тәсілдерін жүйелеу болып табылады. Бүгінгі таңда 

информатиканың негізгі мәселелерінің құрамына келесі бағыттарды жатқызуға болады: 

 -  Есептеу  жүйелерінің    архитектурасы  (мәліметтерді  автоматты  түрде  өңдеуге 

арналған жүйелерді құрудың тәсілдері мен әдістері); 

-  Есептеу  жүйелерінің  интерфейсі  (аппараттық  және  программалық  жасақтаманы 

басқару тәсілдері мен әдістері); 

- Бағдарламалау (компьютерлік бағдарламаларды даярлау әдістері); 

- Мәліметтерді түрлендіру; 

- Ақпаратты қорғау; 

- Автоматтандыру; 

-  Стандарттау  (әр  түрлі  есептеу  техникасы  құралдарына  сәйкес  аппараттық  және 

программалық  құралдар  арасындағы,  мәліметтердің  берілу  пішімі  арасындағы 

үйлесімділікті қамтамасыз ету).